राजेंद्र पाटील राऊत
मुखेड शहरात चोरीचे प्रमाण वाढले
•] एकाच रात्री चार ठिकाणी धाडसी चोरी फुलेनगर , मोंढा भागातील तीन दुकाने , एक घर फोडले ७ ग्राम सोन्यासह २ लाख ४ हजार रुपयांचा मुद्देमाल पळविले
नांदेड / प्रतिनिधी
मनोज बिराजदार यांचा रिपोर्ट
मुखेड शहरात दि . २८ फेब्रुवारीच्या मध्यरात्री अज्ञात चोरटयांनी शहरातील तीन दुकाने व एक घर फोडुन २ लाख ४ हजार ७४० रुपयांचा मुद्देमाल चोरटयांनी पळवीला आहे . अन्य दोन ठिकाणी सीसीटीव्हीमुळे चोरट्यांचा प्रयत्न फसला . याघटनेमुळे शहरातील नागरिकांत भितीचे वातावरण पसरले आहे . मुखेड शहरातील मोंढा व फुलेनगरात सोमवारी मध्यरात्री अज्ञात चोरट्यांनी चार ठिकाणी दुकाने व घर फोडुन धाडसी चोरी केली . या घटनेसंदर्भात फिर्यादी शिवकुमार परमेश्वर कैलासे रा . शिरसी बु . ता . कंधार यांनी दिलेल्या फिर्यादिवरुन मुखेड शहरातील मोंढा भागात शिवसाई कृषि सेवा केंद्र असुन दि . २८ च्या रात्री अज्ञात चोरट्यांनी यांनी त्यांच्या दुकानाच्या शटरचे कुलूप तोडून दिवसभरातील झालेल्या खरेदी विक्रीतून गल्यातील रोख १ लाख ८ हजार रुपयाची रक्कम चोरटयांनी पळविली . दुस – या एका घटनेत मोंढा येथील निखिल शिवाजी कदम रा . चिखली ता . कंधार यांच्या क्रांती कृषि विकास केंद्र येथील दुकानाचे शटर तोडून दुकानातील ६४ हजार ७४० रुपये तसेच वैभव गंगाधर शिंदे रा . केरुर ता . मुखेड यांच्या मोंढा भागातील गोपाळ ट्रेडींग भुसार दुकानाचे कुलुप तोडून गल्यातील २ हजार रुपये पळविले आहे. सुरक्षेचा प्रश्न ऐरणीवर मुखेड तालुक्यातील सांगवी बेनक येथे दोन दि . २४ फेब्रुवारीच्या रात्री ५० हजार रोख ८ सोने ग्रॅम सोने चोरी झाल्याची घटना घडली होती . ही घटना ताजी असतानाच पुन्हा दि . २८ फेब्रुवारीच्या रात्री मुखेड शहरात चार ठिकाणी धाडसी चोरी झाल्याची घटना घडली . यामुळे नागरीकांसह व्यापा – यात भितीचे वातावरण असुन तालुक्यात कायदा व सुव्यवस्थेचा प्रश्न ऐरणीवर आला आहे . . तसे फुलेनगर भागातील राजु सुरेश रनभिडकर यांच्या बंद घराचे कुलुप तोडून ७ ग्रॅम सोन्याचे दागिने व रोख १५ हजार रुपये लंपास केले असे एकून चार ठिकाणी झालेल्या धाडसी चोरीत ७ ग्राम सोने व २ लाख ४ हजार ७४० रुपयांचा मुद्देमाल पळविला . याप्रकरणी पोलिसाना घटना कळताच पोलिस निरीक्षक विलास गोबाडे , पोलिस उपनिरीक्षक गजानन काळे , पोलिस जमादार पंडीत राठोड , पोलिस कर्मचारी सिध्दार्थ वाघमारे , सचिन मुत्तेपवार यांनी घटनास्थळाचा पंचनामा करुन फिर्यादीने दिलेल्या फिर्यादिनुसार अज्ञात चोरट्याविरुद्ध मुखेड पोलिसात गुन्हा नोंद करण्यात आला असुन तपास पोलिस उपनिरिक्षक गजानन काळे करीत आहेत .