राजेंद्र पाटील राऊत
सट्टा जुगाराच्या लावून गोरगरीबांना नादी; दाऊद सटाणा तालुक्यात करतोय बरबादी!! मुळाणे भागातही दाऊचे साम्राज्य
(राजेंद्र पाटील राऊत युवा मराठा न्युज)
मालेगांव -ज्या सटाणा तालुक्याला यशवंतनगरी म्हणूनही ओळखले जाते.देव मामलेदार यशवंतराव महाराजांच्या पदस्पर्शाने पावन झालेल्या या सटाणा तालुक्यात मात्र सट्टा जुगाराच्या नादी लावून अनेक गोरगरीब सर्वसामान्य कुटूंबाची बरबादी होत असतानाही पोलिसांचे मात्र अक्षम्य दुर्लक्ष होत चालल्याने हा गंभीर चिंतनाचा विषय झालेला आहे.
ज्या सटाणा तालुक्यात ब्रिटीश कालखंडात पडलेल्या दुष्काळावेळी यशवंतराव महाराज यांनी सरकारी खजिना मोकळा करुन देत सर्वसामान्य गोरगरीबांना मदती केल्यात त्याच सटाणा तालुक्यात नाशिक भागातला सट्टा माफीया दाऊद मात्र गोरगरीब सर्वसामान्य आदिवासी काबाडकष्ट करणाऱ्या मोलमजुरांना सट्टा जुगाराच्या नादी लावून रोजच लाखो रुपयांची कमाई करीत आहे.मात्र त्यामुळेच गोरगरीबांच्या संसाराची बरबादी होत चालल्याचे भयानक दृश्य आहे.या अशा गंभीर व अवैधरित्या चालणाऱ्या बेकायदेशीर दाऊदच्या मुळाणे व डांगसौंदाणे येथील जुगार अड्डयावर कठोर कारवाई सटाणा पोलिसांकडून होणे अपेक्षित असताना तसे मात्र होताना दिसत नाही त्यामुळेच या सट्टा माफीया दाऊदच्या तथाकथित पाळलेल्या गुंडाना पैश्यांचा माज असल्याने ते कुणालाच जुमानत नाहीत व सर्वत्र दबंगगिरी सुरु आहे.म्हणूनच आता राष्ट्रीय युवा मराठा पत्रकार महासंघाच्या वतीने येत्या गुरुवारी २७ जानेवारी रोजी प्रत्यक्ष नाशिक येथे कर्तव्यदक्ष जिल्हा पोलिस प्रमुख सचिन पाटील यांना भेटून याबाबतीत लेखी तक्रार दिली जाणार आहे.