राजेंद्र पाटील राऊत
पालघर खासदारां कडून श्रीधर रमेश चामरे ह्याच्या कुटुंबाला आर्थिक मदत पालघर,(वैभव पाटील विभागीय संपादक युवा मराठा न्युज)
पालघर दिनांक ८/ ११/ २०२१ गुजरात राज्यातील जलपरी या बोटीवर पाकिस्तानी सैनिकांनी केलेल्या गोळीबारात पालघर जिल्ह्यातील वडराई गावातील श्रीधर रमेश चामरे (३२) हा तरुणाचा जागीच मृत्यू झाला.या बोटीचे कॅप्टन (तांडेल) हे देखील या गोळीबारात जखमी झाले आहेत. श्रीधर रमेश चामरे ह्याच्या कुटुंबाला पालघर खासदार राजेंद्र गावित ह्यानी मंगळवार दिनांक ८/११/२०२१ भेट दिली व रुपये ५००००/- धनादेश कुटुंबाला दिला
व शासन दरबारी पाठपुरावा करण्याचे आश्वासन दिले .
तसेच हा विषय लोकसभेत उपस्थित करण्याचे आश्वासन ,मच्छीमार सोसायटीचे पदादिकारी व गावकरी उपस्थित होते संपूर्ण गाव शोकाकुल आहे
गुजरात राज्यातील वनग बारा येथील जयंतीभाई यांच्या जलपरी बोटीत श्रीधर चामरे हा तरुण मागील तीन महिन्यापासून खलाशी कामगार म्हणून कामावर गेला होता.ओखा-पोरबंदर भागातील समुद्रात बोटीवर मासेमारी करीत असताना पाकिस्तान ट्रॉलर्समधून आलेल्या सैनिकांनी गोळीबार केला.या गोळीबारात वडराई येथील मच्छिमार श्रीधर चामरे यांना तीन गोळ्या लागल्याने त्यांचा जागीच मृत्यू झाला. घटनेमुळे जिल्ह्यातील मच्छीमार बांधवांमध्ये तणावाचे वातावरण निर्माण झाले आहे.पाकिस्तान सैनिकांच्या अमानवी कृत्याचा आंतरराष्ट्रीय स्तरावर चौकशी करण्याची मागणी मच्छिमारांनी केली आहे.
