राजेंद्र पाटील राऊत
विजयकुमार कुंभार यांना आदर्श शिक्षक पुरस्कार प्रदान करताना माजी आमदार डॉ.सुजित मिणचेकर, डॉ. अमर आडके, प्रवीण यादव आदी
—————————————-
विजयकुमार कुंभार यांना ‘आदर्श शिक्षक’ पुरस्कार
—————————————-
कोल्हापूर (राहुल शिंदे ब्युरो चीफ),ता. १८: डॉ. सुजित मिणचेकर फौंडेशनमार्फत देण्यात येणारा ‘आदर्श शिक्षक पुरस्कार ‘ किणी हायस्कूल किणीचे अध्यापक विजयकुमार कुंभार यांना माजी आमदार डॉ. सुजित मिणचेकर व सुप्रसिद्ध व्याख्याते डॉ.अमर आडके यांच्या हस्ते प्रदान करण्यात आला.
ते इंग्रजी विषयाचे एक उपक्रमशील व व्यासंगी शिक्षक . म्हणून सुपरिचित आहेत. शहीद भगतसिंग , स्वामी विवेकानंद व विविध शैक्षणिक विषयांवर व्याख्यानांच्या माध्यमातून ते समाजप्रबोधनाचे कार्य करतात. ‘ एक मूठ धान्य वंचितांसाठी ‘, यंदाची ‘दिवाळी आदिवासी बांधवांसोबत ‘ , पूरग्रस्तांना मदत इ. सामाजिक उपक्रम त्यांनी राबवले आहेत.
त्यांच्या या शैक्षणिक व सामाजिक कार्याची दखल घेऊन त्यांना हा पुरस्कार देण्यात आला.
त्यांना किणी शिक्षण प्रसारक मंडळाचे अध्यक्ष आण्णासाहेब पाटील, उपाध्यक्ष सुहास माने, सचिव राजेंद्र पाटील व सर्व संचालक मुख्याध्यापिका सुरेखा शिरोटे, पर्यवेक्षक डी. एच. पाटील यांचे मार्गदर्शन लाभले.
