राजेंद्र पाटील राऊत
लोहणेरच्या वसाकावर अवैध धंद्याना ऊत!
“भारत -धर्माची अजब गजब यारी…!!
सट्टा मटक्याची राजरोस दुनियादारी..!!
मालेगांव,(विशेष प्रतिनिधी युवा मराठा न्युज नेटवर्क)- गिरणा नदीच्या काठावर वसलेले सुललाम सुफलाम म्हणून ओळखले जाणारे लोहणेर गाव व त्या परिसरातील विठेवाडी साखर कारखाना भाग हा सध्या अवैध धंद्याचा हाँटस्पाँट बनलेला असून ,पोलिस प्रशासनाचे मात्र त्याकडे साफ दुर्लक्ष झाल्याने या अवैध धंद्याना ऊत आला असल्याने सट्टाकिंग मजेत व गोरगरीब लुटमारीची शिकार ठरत आहेत.
याबाबत प्राप्त माहिती अशी की,लोहणेर व वसाका परिसरात भारत निकम व धर्मा शेवाळे नामक सट्टाकिंग नेमके कुणाच्या आशिर्वादाने सट्टा,मटका चालवून गोरगरीबांच्या संसाराची राखरांगोळी करीत आहेत हे न उलगडलेले भयानक कोडेच आहे.या सट्टा मटक्याच्या माध्यमातून रोजच लाखो रुपयांची रग्गड कमाई करणाऱ्या भारत धर्माच्या जोडीगोळीने मात्र आपला अवैध धंदा तेजीत ठेवण्यासाठी गोरगरीब महिलांच्या संसारात माती कालविण्याचेच महापाप चालविल्याने आणि पोलिस प्रशासनाचे या गंभीर प्रकाराकडे अक्षम्य दुर्लक्ष होत असल्याने या परिसरात सखेद आश्चर्य व्यक्त केले जात आहे.या अवैध धंद्यावर पोलिस प्रशासनाने कठोर कारवाई करणे अपेक्षित असल्याचे नागरिकांचे मत आहे.
उद्या वाचा- सट्टा मटक्याची खेळी,गोरगरीबांचा जातो बळी!पोलिस खात्याचे अर्थपूर्ण दुर्लक्ष…
