राजेंद्र पाटील राऊत
मालेगाव झोडगे येथे एकाचाआत्मदहनाचा प्रयत्न
प्रतिनिधी. प्रवीण अहिरराव युवा मराठा न्युज नेटवर्क
मालेगाव तालुक्यातील झोडगे येथे ग्रामपंचायतीसमोर आत्मदहनाचा प्रयत्न केला त्यातील सविस्तर वृत्त असे की झोडगे गावातील अतिक्रमण ग्रामपंचायतीने काढण्यात यावे दोन-तीन वेळेस अर्ज देऊन ग्रामपंचायतीने अतिक्रमण काढले नाही.
वसंत नेरकर यांनी वारंवार ग्रामपंचायतीकडे तक्रार करून देखील त्या कारणावरून वसंत नेरकर यांनी ग्रामपंचायत समोर अंगावर रॉकेल टाकून स्वतःला पेटवून घेण्याचा प्रयत्न केला.
याबाबत सविस्तर वृत्त असे की झोडगे येथील ग्रामपंचायत हद्दीतील गल्ली नंबर 1 मध्ये गावठाण जागेवर ग्रामपंचायतीच्या उघड्या गटारी वर असलेले किराणा दुकानाची टपरी अतिक्रमण काढण्यासाठी वसंत वामन नेरकर यांनी अर्ज दिला होता.
मात्र सदर अतिक्रमण काढण्यासाठी 21 जून रोजी ची तारीख निश्चित झाली होती. तरी देखील सदर अतिक्रमण काढण्यासाठी टाळाटाळ होत असल्याने त्यांनी 22. 6 .2021रोजी आत्मदहन करण्यासंदर्भात पुन्हा अर्ज दिला.
त्याच प्रमाणे तक्रारदार आज कुटुंबीयांसोबत येऊन स्वतःच्या अंगावर ज्वलनशील पदार्थ टाकून स्वतःला पेटवून घेण्याचा प्रयत्न केला. सदर घडलेल्या घटनेनंतर नेरकर यांना अतिक्रमण काढून देण्याकरिता 15 दिवसांची मुदत मागून घेतल्याचे समजते.