राजेंद्र पाटील राऊत
_ बार्टी तर्फे सटाणा शहर व परिसरात वृक्षारोपण
सटाणा,(शशिकांत पवार प्रतिनिधी)-
महाराष्ट्र शासनाच्या सामाजिक न्याय व विशेष सहाय्य विभागाची स्वायत्त संस्था असलेल्या डॉ बाबासाहेब आंबेडकर संशोधन आणि प्रशिक्षण संस्थेच्या समतादूत पथदर्शी प्रकल्पातर्फे जागतिक पर्यावरण दिनानिमित्त संपूर्ण राज्यात पाच जुन ते 20 जुन दरम्यान वृक्षारोपण पंधरवाडा साजरा केला जात आहे. त्या अनुषंगाने सटाणा येथील समतादूत उज्वला इंगोले सटाणा शहरातील काही शाळा व तालुक्यातील ग्रामपंचायत येथे वृक्षारोपण करण्यात आले.
नीम, शिसव, जांभूळ, आंबा, वड, पिंपळ, आवळा यासारखे विविध औषधी गुणधर्म असलेली वृक्ष तसेच फळझाडे आणि वटवृक्षांचे वृक्षारोपण दोद्धेश्वर पब्लिक स्कुल सटाणा, जिजाबाई दोधा मोरे पब्लिक स्कुल भाक्षी रोड, भाक्षी नववसाहत व भाक्षी ग्रामपंचायत कार्यालय व परिसरात ही झाडं लावण्यात आली. यावेळी समतादूत उज्वला इंगोले यांच्यासह वंचित बहुजन आघाडीचे तालुकाध्यक्ष शेखर बच्छाव, तालुका महासचिव दादा खरे, माजी तालुकाध्यक्ष चेतन वणीस, भाक्षी ग्रामपंचायतिचे ग्रामविकास अधिकारी शेख भाऊसाहेब, वसुली कर्मचारी आप्पा खैरनार, युवराज गवळी दोधेश्वर पब्लिक स्कुल चे शिक्षक दीपक पाटील, राहुल येशी, रायझिंग किड्स चे चेअरमन वैभव गांगुर्डे इत्यादी उपस्थित होते.
