राजेंद्र पाटील राऊत
सटाणा — (शशिकांत पवार मराठा युवा मराठा न्यूज नेटवर्क प्रतिनिधी सटाणा}
ग्रामपंचायत महालपाटणे येथील ग्रामपंचायत शिष्टमंडळ ,ग्रामपंचायत सरपंच ,उपसरपंच व ग्रामपंचायत सदस्य यांनी खासदार डॉ.भारती ताई पवार यांची सदिच्छा भेट घेऊन विविधविकासकामांबाबत चर्चा करून निवेदन दिले.
यात प्रामुख्याने ब्राह्मणगाव ते महालपाटणे या दोन गावांना जोडणाऱ्या गिरणा नदीवर पूलाची मागणी करून यासाठी निधी उपलब्ध करण्याबाबत चर्चा करण्यात आली जर हा पूल झाला तर नागरिकांना लखमापूर निंबाळा मार्गे फिरून जाण्याचा मोठा फेरा वाचणार आहे त्यामुळे बागलाण तालुक्यातील शेतकऱ्यांना देखील उमराणे मार्केट साठी जाण्यासाठी, व दळवळणाच्या दृष्टीने मोठा शॉर्टकट रस्ता निर्माण होईल यासाठी निधी उपलब्ध करणे बाबत पाठपुरावा करण्याचे आश्वासन डॉ.भारती पवार यांनी दिले,तसेच आमदारसाहेब व जिल्हा परिषदसदस्या यांच्या माध्यमातून गाव अंतर्गत येणारे रस्ते, प्राथमिक आरोग्य केंद्र ,उपकेंद्र, शिवार पांदण रस्त्यांसाठी निधी उपलब्ध करून, देण्याचे आश्वासन दिले.
सबंधित सार्वजनिक बांधकाम विभागाच्या अधिकाऱ्यांशी स्वतः डॉ. भारती पवार यांनी दूरध्वनीवरून संपर्क साधून सदर कामाबाबत पाठपुरावा करुन सदरील प्रस्ताव सादर करण्याची सूचना केली.
याप्रसंगी ग्रामपंचायत सरपंच, उपसरपंच योगेश अहिरे, ज्येष्ठ ग्रामपंचायत सदस्य तुषार काका कुलकर्णी, किरण अहिरे , भाऊसाहेब आहिरे ,चिकू दादा अहिरे आदी सदस्य उपस्थित होते.