राजेंद्र पाटील राऊत
राजुरा बु. येथून देगलूर जाणाऱ्या मुख्य रस्त्यावरील पुलाची झाली दुरवस्था.
मुखेड प्रतिनिधी (मनोज बिरादार) राजुरा बु येथून जवळच असणाऱ्या देगलूर जाणाऱ्या मुख्य रस्त्यावरील राजुरा बु.या परिसरातील असलेल्या ओढ्यावरील पुलाची अत्यंत दुर्दशा झाली असून सार्वजनिक बांधकाम विभाग देगलूर अंतर्गत पुलाचा बांधकाम निधी मंजूर झाला असून गेल्या 3 वर्षांपासून लोकप्रतिनिधी तसेच शासकीय अधिकाऱ्यांकडे वारंवार तक्रार केली असता पुलाची दखल न घेता फक्त त्याची पाहणी करून दिलेल्या आश्वासनाची आजतागायत पूर्तता झालेली नाही.हा अनेक खेड्याना देगलूर शी जोडणारा एकमेव मुख्य रस्ता असून मागील 3 वर्षांपासून त्यावरून पावसाळ्यात वाहतूक करताना प्रवाश्यांना जीव मुठीत घेऊन वाटचाल करावी लागते. पाण्याच्या प्रवाहाचा अंदाज न लागल्यास एखादी दुर्घटना सुद्धा घडू शकते यास जबाबदार कोण? परिसरातील नागरिकांचा कामाबद्दल असंतोष दिसत असून ह्या परिसरातील कुणीही लोकप्रतिनिधी अथवा जिल्हापरिषद सदस्य ह्याची दखल घ्यायला तयार नाहीत. विभागातील सर्व अधिकारी झोपेचे सोंग घेऊन बसले आहेत
तरी त्यांना योग्य ती सूचना देऊन आम्हाला होत असलेल्या अडचणींला दूर करून संबंधित अधिकाऱ्यांनी याकडे त्वरित लक्ष घालून सहकार्य करावे अशी संतप्त प्रतिक्रिया परिसरातील नागरिकांकडून होत आहे.
