राजेंद्र पाटील राऊत
अॅड.अविनाश काळे मराठी विषयात सेट परीक्षा उत्तीर्ण
युवा मराठा न्यूज नेटवर्क सोलापूर जिल्हा चिफ बिरो
सावित्रीबाई फुले पुणे विद्यापीठाकडून सहाय्यक प्राध्यापक पदासाठी अनिवार्य असलेली राज्यस्तरीय पात्रता परीक्षा घेण्यात आलेल्या २७ डिसेंबर २०२० राज्य पात्रता परीक्षा ,अर्थात सेट परीक्षेत मराठी विषयातून अॅड.अविनाश रमेश काळे ..SET Maharashtra State Eligibility Test (MH-SET) उत्तीर्ण झाले आहेत.
अत्यंत प्रतिकूल परिस्थितीत त्यांनी हे यश संपादन केले आहे.त्यांच्या कर्तुत्वात आणखी एक मानाचा तुरा खोवला गेला आहे.सहाय्यक प्राध्यापक पदासाठी आवश्यक असलेली सेट परीक्षा उत्तीर्ण झाल्याने त्यांचे मित्रपरिवाराकडून जोरदार अभिनंदन होत आहे.त्यांच्या यशामध्ये आई- वडील,मामा, भाऊ राहुल व बहिण अंजली ,आणि मित्र परिवार यांचा मोलाचा वाटा आहे.
त्यांनी,विठ्ठलराव शिंदे कला महाविद्यालय टेंभुर्णी मधून बी.ए
तर श्री.शिवाजी महाविद्यालय बार्शी मधून एम ए (मराठी) विषयातून केले.आणि राजर्षी शाहू लॉ कॉलेज बार्शी मधून एल.एल.बी चे शिक्षण पूर्ण केले.ते सध्या,पुण्यश्लोक अहिल्यादेवी होळकर सोलापूर विद्यापीठ सोलापूर मधून ‘स्वातंत्र्योत्तर कालखंडातील मराठी कथात्मक साहित्यातील गुन्हेगारी समाजाचे चित्रण ‘ या विषयावर पीएच.डी करीत आहे.त्यांच्या यशासाठी त्यांना विठ्ठलराव शिंदे कला महाविद्यालय टेंभुर्णी येथील प्राचार्य.डॉ.महेंद्र कदम, मराठी विभाग प्रमुख,डॉ.बाळासाहेब दास ,प्रा.संजय साठे आणि श्री.शिवाजी महाविद्यालय बार्शी येथील प्राचार्य.डॉ.प्रकाश थोरात,मराठी विभाग प्रमुख डॉ.भारती रेवडकर प्रा.राजेंद्र दास,डॉ.बिरा पारसे डॉ.रविकांत शिंदे यांचे मार्गदर्शन मिळाले.या यशामुळे त्यांचे सर्वत्र कौतुक होताना दिसत आहे.