दहिवड येथील भौरी शिवारात बिबट्याच्या हल्ल्यात गाय ठार

राजेंद्र पाटील राऊत

दहिवड येथील भौरी शिवारात बिबट्याच्या हल्ल्यात गाय ठार
(युवराज देवरे प्रतिनिधी)
रामनगर(दहिवड) २० मे
देवळा तालुक्यातील दहिवड रामनगर येथील भौरी शिवारात राहणाऱ्या विनोद प्रभाकर शिंदे यांच्या मालकीच्या गट नंबर 137 ब मध्ये बुधवार दिनांक 19 मे रोजी संध्याकाळी सात वाजेच्या सुमारास बिबट्याने हल्ला करीत शिंदे यांच्या मालकीच्या पाळीव गाईचा फडशा पाडला.
याबाबत त्यांनी दूरध्वनीवरून युवराज देवरे यांनी वनविभागाला याची माहिती दिली असता वनपाल अरुण मोरे, वनरक्षक एम एम साळुंके. यांनी घटनास्थळी भेट देऊन नुकसान भरपाई बाबत पंचनामा केला.
याआधी देखील बऱ्याच शेतकऱ्यांच्या पाळीव प्राण्यांवर जंगली श्वापदाने हल्ला करून पशू संपत्तीचे नुकसान केले आहे. वन विभागाने सदर बिबट्याच्या बंदोबस्तासाठी पिंजरा लावण्याची मागणी शेतकरी वर्गाकडून करण्यात येत आहे.