राजेंद्र पाटील राऊत
लासलगाव जवळील खडक माळे गाव धरणात तरुणाने गमावला जीव.
प्रतिनिधी .प्रवीण अहिरराव./युवा मराठा न्युज नेटवर्क
लासलगाव. पोहता येत नसल्याने भलतेच धाडस करणाऱ्या युवकाला लासलगाव जवळील खडक माळेगाव धरणात आपला जीव गमवावा लागला .अंधार पडल्यामुळे या युवकाचा शोध रात्री उशिरापर्यंत न लागल्याने शोध थांबवण्यात आला .परंतु रविवारी लासलगाव स्विमिंग ग्रुपच्या सदस्यांनी पुन्हा सकाळी शर्यतीचे प्रयत्न करत शोध घेतला असता मृतदेह बाहेर काढण्यात यश आले.
कोरोनाचा प्रादुर्भाव असल्याने जिल्ह्यात प्रशासनाने विकेंड लॉक डाऊन जाहीर केलेले असतानाही काही युवकांनी धाडस करत निफाड तालुक्यातील खडक माळेगाव येथील बंधाऱ्यात पोहण्यासाठी उतरले होते. यातील सागर शरद शेजवळ या युवकाला पाण्याचा अंदाज न आल्याने हा युवक बुडू लागला ,सोबत असलेल्या युवकांनी त्याला वाचविण्याचे प्रयत्न केले मात्र त्यांना अपयश आले .या घटनेची माहिती कळताच पोलीस आणि स्थानिक लोकांनी सागर चा पाण्यामध्ये शोध घेतला असता रात्री उशिरापर्यंत मृतदेह हाती लागला नाही.
दुसऱ्या दिवशी लासलगाव स्विमिंग ग्रुपचे सदस्य धरणाची माहिती असल्याने शोध कार्यात मदत केली .मृतदेह बाहेर काढण्यासाठी .डॉक्टर .अनिल बोराडे .विलास चव्हाणके ,संदीप अग्रवाल ,दत्ता साप्ते ,यांनी प्रयत्न केले . यावेळी खडक माळेगाव चे सरपंच दत्ता काका रायते ,लासलगाव पोलीस ठाण्याचे सहाय्यक पोलीस निरीक्षक राहुल वाघ ,ग्रामसेवक वैशाली राजोळे हे उपस्थित होते.
