राजेंद्र पाटील राऊत
खळबळजनक” नांदेड जिल्ह्यातील घटना – कोरोनामुळे पतीचे मृत्यू झाल्याचे कळताच पत्नीने केली चिमुकलीसह आत्महत्या
राजेश एन भांगे/ ब्युरो चीफ युवा मराठा न्युज नेटवर्क
लोहा शहरातील बालाजी मंदिरच्या पाठीमागे तेलंगणातून आलेले एक कुटुंब रोज मजुरी करुन आपला उदरनिर्वाह करीत होते.
तर कोरोना महामारीने या कुटुंबात शिरकाव केला.
पती हनुमंत शंकर गदम (वय ४५) हे पॉझिटीव्ह आल्यानंतर लोहा येथील कोविड सेंटर येथे उपचारा दरम्यान त्यांचा मृत्यू झाला.
ही बातमी पत्निला कळताच तीन वर्षाच्या मुलीसह महिलेने सुनेगाव येथील तलावात उडी मारुन आत्महत्या केली.
शहरातील बालाजी मंदिरच्या पाठीमागे ही हृदयद्रावक घटना घडली आहे.
ही घटना बुधवारी (ता .१४) पहाटे घडली असावी, असा अंदाज पोलिसांनी व्यक्त केला आहे.
पद्मा हनुमंत गदम (वय ३५) लल्ली (वय तीन) अशी मृत मायलेकराचे नावे आहेत.
या घटनेमुळे परिसर हळहळ व्यक्त केली जात आहे.
पोलिसांनी दिलेल्या माहितीनुसार, पद्माने नवऱ्याच्या निधनानंतर तीन मुलांना घेऊन संसाराचा गाडा चालणार कसा या चिंतेने आत्महत्या केली असल्याचे पोलिसांनी सांगितले.
फिर्यादी चिन्नना दुर्गना गदम (वय ३९) रा. संतोषनगर निजामबाद यांनी दिलेल्या फिर्यादीवरुन लोहा पोलिस ठाण्यात आकस्मात मृत्यूची नोंद करण्यात आली आहे.
तर पुढिल तपासपोलिस निरीक्षक भागवत जायभाये यांच्या मार्गदर्शनाखाली सहाय्यक पोलिस निरीक्षक श्री. कऱ्हे हे करीत आहेत असे सुत्रांकडुन कळाले.