राजेंद्र पाटील राऊत
घोडेगांवचे उपसरपंच साहेबराव सरोदे
यांचे अपघाती निधन गावावर शोककळा
(श्रीमती आशाताई बच्छाव व्यवस्थापकीय संपादक युवा मराठा न्युज नेटवर्क)
मालेगांव, दि.११- घोडेगांव ता.मालेगांव येथील उपसरपंच व हाँटेल साक्षीचे मालक साहेबराव पुंजाराम सरोदे यांचे आज दुपारी एका अपघातात दुर्दैवी निधन झाल्याची माहिती हाती येत असून,त्यामुळे संपूर्ण घोडेगांववर शोककळा पसरली आहे.
साहेबराव पुंजाराम सरोदे हे राजकारणातील एक उमदे व्यक्तीमत्व म्हणून ओळखले जात होते,त्यांनी आपली राजकारणाची सुरुवात शिवसेनेपासून केलेली होती.तर त्यांना राजकारणाचे बाळकडू हे घरातूनच लाभले होते.त्यांचे वडील पुंजाराम सरोदे हे गेल्या अनेक वर्षापासून घोडेगांवचे सरपंच म्हणून राजकारणात होते.त्यांचाच वारसा साहेबराव सरोदे यांच्या रुपाने घोडेगांव गावावर चमकून होता.साहेबराव सरोदे यांनी सोसायटी चेअरमन ग्रामपंचायतीचे सरपंच तर विद्यमान उपसरपंच अशी विविध पदे भुषविली होती.
आज दुपारी चोंढी गावाजवळ अज्ञात वाहनाने दिलेल्या धडकेत साहेबराव सरोदे हे गंभीररित्या जखमी झाले होते.त्यांना उपचारासाठी मालेगांवी नेत असतानाच त्यांची प्राणज्योत मालवली.या दुदैवी घटनेमुळे घोडेगांवसह पंचक्रोशीत शोककळा पसरली आहे.साहेबराव (अण्णा) सरोदे यांना “युवा मराठा न्युज महाराष्ट्र”परिवाराची भावपूर्ण श्रध्दांजली!