कोल्हापूर : कोरोनाच्या पार्श्वभूमीवर कोणताही विद्यार्थी शिक्षणापासून वंचित राहू नये यासाठी शिक्षकांनी शाळाबाह्य सर्वेक्षण करावे असे आवाहन हातकणंगलेचे शिक्षण विस्तार अधिकारी रवींद्र ठोकळ यांनी केले.
वाठार (ता. हातकणंगले) येथील केंद्रीय प्राथमिक शाळेत शाळाबाह्य सर्वेक्षण कार्यशाळेत रवींद्र ठोकळ बोलत होते. केंद्र समन्वयक अजमीर मणेर अध्यक्षस्थानी होते.
कोरोना च्या पार्श्वभूमीवर राज्य शासनाच्या वतीने शाळाबाह्य,अनियमित व स्थलांतरित मुलांना शाळेच्या प्रवाहात दाखल करण्यासाठी विशेष मोहीम उघडली आहे. शाळाबाह्य मुलांचे सर्वेक्षण करण्यात येणार असुन सर्वेक्षणाचे काम १० मार्च पर्यंत पूर्ण होणार आहे असेही रवींद्र ठाकरे यांनी स्पष्ट केले.
यावेळी कन्या शाळेचे मुख्याध्यापक अशोक पाटील, जीवन शिक्षण अंबपचे मुख्याध्यापक प्रतापराव शिंदे, कन्या शाळा अंबपचे मुख्याध्यापक मारुती पाटील, दिलीप चरणे, राजेंद्र रसाळ, प्रदीप गायकवाड आदी उपस्थित होते.
युवा मराठा न्युज नेटवर्क .
