राजेंद्र पाटील राऊत
डॉ.अभिजीत जाधव यांच्या वाढदिवसानिमित्त ऊसतोड मजूरांना शॉल वाटप
घुणकी : बहिरेवाडी ता पन्हाळा येथील सामाजिक कार्याची नेहमीच जाण ठेवणारे बहिरेवाडी येथील डॉ.अभिजीत जाधव हे दरवर्षी आपला वाढदिवस सामाजिक कार्याने साजरा करतात.
सध्या सगळीकडे थंडीची लाट आलेली आहे.शेतामधे ऊसतोड मजूर दिवसभर ऊस तोडून संध्याकाळी आपल्या खोपट्यांमधे विश्रांतीसाठी जात असतात.त्यापैकी काही वयस्क मजूरांना या कडाक्याच्या थंडीचा रात्री प्रचंड त्रास होऊन ते आजारीही पडतात.
या मजूरांची हीच अडचण लक्षात घेऊन डॉ.अभिजीत जाधव यांनी आपल्या वाढदिवसानिमित्त वयस्क मजूरांना शॉल वाटप केल्या.तसेच त्यांच्या लहान मुलांसोबत केक कापून वाढदिवस साजरा केला.
याप्रसंगी सर्व ऊसतोड कामगार त्यांच्या पत्नी मुले लखन करे,परशुराम कावळे,योगेश ठाकरे आदी उपस्थित होते.