• Home
  • कोल्हापूरात एस टी कर्मचारी वसाहतीत पन्नास हजाराची चोरी

कोल्हापूरात एस टी कर्मचारी वसाहतीत पन्नास हजाराची चोरी

राजेंद्र पाटील राऊत

IMG-20210209-WA0026.jpg

कोल्हापूर : महाराष्ट्र राज्य परिवहन महामंडळाच्या कोल्हापूर विभागातील छ. शिवाजी पार्कातील एसटी. आगाराच्या पाठीमागील बाजूस असलेल्या एसटी कर्मचारी निवासस्थानातील सुमारे पन्नास हजार रुपयाचे बांधकाम साहित्य अज्ञात चोरट्याने लोखंडी दरवाजा तोडून पळविले. याबाबत शाहूपुरी पोलीस ठाण्यामधे मनोज सुरेश लिंग्रस (वय ५४, रा. काटकर काॅलनी, राजारामपुरी) यांनी सोमवारी फिर्याद दिली. त्यानुसार अज्ञात चोरट्याविरोधात गुन्हा नोंद झाला.
पोलिसांनी दिलेली माहिती अशी, महाराष्ट्र राज्य परिवहन,कोल्हापूर विभागाचे मध्यवर्ती बसस्थानकामागील बाजूस कर्मचारी निवासस्थान क्रमांक ४ आहे. या निवासस्थानामधील ॲल्युमिनियम खिडक्या, पाण्याचे काॅक, आरसा, इलेक्ट्रिक स्वीच बोर्ड, वाॅटर पंप, स्टार्टर आदी सुमारे पन्नास हजार रुपये किमतीचे साहित्य अज्ञात चोरट्याने लांबविले.
ही बाब कर्मचाऱ्यांच्या निदर्शनास आली असता. त्यानुसार राज्य परिवहनच्या वरिष्ठ अधिकाऱ्यांच्या सूचनेनुसार कर्मचारी काटकर यांनी शाहूपुरी पोलिसांत अज्ञाताविरोधात फिर्याद दिली. त्यानुसार अज्ञात चोरट्याचा शोध शाहूपुरी पोलीस घेत आहेत.

युवा मराठा न्यूज नेटवर्क .

anews Banner

Leave A Comment