राजेंद्र पाटील राऊत
मालेगांवच्या महिलेस “त्या”दोघींनी
लाखो रुपयात विकून टाकल्याने खळबळ!
(ब्युरो टीम युवा मराठा न्युज नेटवर्क)
श्रीरामपूर-अहमदनगर जिल्ह्यातल्या श्रीरामपूर तालुक्यातील दतनगर येथील दोघांनी मालेगाव जि. नाशिक येथील एका विवाहित महिलेस केटरींगच्या कामासाठी बोलावून त्या विवाहित महिलेला चक्क मध्यप्रदेशातील इंदौर येथे एक लाख वीस हजार रुपयांत विकून टाकल्याचा खळबळजनक प्रकार उघड झाला आहे.
याप्रकरणी नाशिक जिल्ह्यातील मालेगाव शहरातल्या मोतीनगर परिसरातील युवकाने श्रीरामपूर पोलिसात फिर्याद दिली आहे की,
अनिता रविंद्र कदम रा.आंबेडकर वसाहत दतनगर श्रीरामपूर व अनिता कदम हिची मैत्रीण संगिता (पुर्ण नाव माहित नाही) या दोघींविरोधात गुन्हा दाखल करण्यात आला आहे.
याबाबत त्या तरुणाने दिलेल्या फिर्यादीत म्हटले आहे की,”माझ्या पत्नीला केटरिंगच्या कामाला येऊ द्या.
यासाठी तिला फुस लावून आणले.व त्यानंतर अनिता व संगिता यांनी तिला मध्यप्रदेशातील इंदौर येथे नेऊन अज्ञात व्यक्तीकडून एक लाख वीस हजार रुपये घेऊन आपल्या पत्नीला त्या व्यक्तीच्या ताब्यात दिल्याच्या या घटनेमुळे एकच खळबळ उडाली आहे.
