राजेंद्र पाटील राऊत
मुखेड तालुक्यातील उंद्री (प.दे.) येथे ग्रामपंचायत निवडणुकीच्या 1576 मतदारांनी बजावला हक्क.
मनोज बिरादार मुखेड प्रतिनिधी (युवा मराठा न्यूज नेटवर्क)
मुखेड तालुक्यातील मौजे उंद्री (प.दे.) येथे सार्वत्रिक ग्रामपंचायत निवडणुकीच्या अनुषंगाने 1576 मतदारांनी मतदानाचा हक्क बजावला आहे. उंद्री (प.दे.)येथील एकूण मतदारांची संख्या 1828 असून त्यातील 1576 मतदारांनी मतदानाचा हक्क बजावला आहे.त्यात प्रभाग क्रमांक 1मधील 295 पुरुष तर 261 महिला व तसेच प्रभाग क्रमांक 2 मधील 270 पुरुष तर 248 महिला व प्रभाग क्रमांक 3 मधील 268 पुरुष 234 महिला मतदारांनी मतदानाचा हक्क बजावला आहे. 20 उमेदवारांचे भवितव्य मतपेटीत बंद असून निकालाची उत्सुकता शिगेला पोहोचली असून सरपंच पदाला अधिकार वाढल्यामुळे सरपंच पदाची निवडणूक चुरशीची दिसून आली.तसे मुखेड तालुक्यातील गाव कारभाराचे भवितव्य मतपेटीत बंद असून निकालाची उत्सुकता शिगेला पोहोचली आहे. पोलिस प्रशासनाच्या वतीने चोख बंदोबस्त ठेवण्यात आला होता.
