Home महाराष्ट्र निवडणूक आयोगाचे डोके ठिकाणावर आहे का?…मग निवडणूका घेतातच कशाला!

निवडणूक आयोगाचे डोके ठिकाणावर आहे का?…मग निवडणूका घेतातच कशाला!

94
0

राजेंद्र पाटील राऊत

संपादकीय अग्रलेख…
निवडणूक आयोगाचे डोके ठिकाणावर आहे का?…मग निवडणूका घेतातच कशाला!
वाचकहो,
आपल्या देशाची सर्वात मोठी स्वायत आणि प्रजेची शक्ती म्हणजे लोकशाही या लोकशाहीला अभिप्रेत असलेले स्वातंत्र्य म्हणजे निवडणूका.या निवडणूकाव्दारे खरे अर्थाने जनताच ठरवते की,कुणाला आपला लोकप्रतिनिधी म्हणून सिंहासनावर बसावयाचे.त्यासाठी आदर्श आचारसंहीता देखील आहे.मात्र आता अलिकडे उतर महाराष्ट्रातील दोन ग्रामपंचायतीच्या निवडणूका मध्ये जो लिलाव पध्दतीचा झालेला अतिरेक बघितला तर या देशात खरंच नावाला तरी लोकशाही अस्तित्वात आहे का?असा प्रश्न निर्माण होतो.
एका बाजूला निवडणूक आयोग निवडणूका पार पाडतांना कुठलेही आर्थिक आमिष नको,किंवा जाती पातीचे अथवा देवा धर्माच्या नावाने निवडणूका नकोत म्हणून कठोर नियमांचे दाखले देते.मग येथे तर उतर महाराष्ट्रातल्या नंदुरबारजवळील खोंडामळी ग्रामपंचायतीचा लिलाव हा कैक लाखात झाला.त्याचप्रमाणे नाशिकच्या उमराणे गावात दोन कोटी पाच लाखात लिलाव गेला.म्हणजे हि लोकशाहीची हुकूमशाहीकडेच वाटचाल आहे की काय?असा गंभीर प्रश्न यानिमिताने भेडसावतो.
आदर्श निवडणूक प्रणालीच जर वापरायची म्हटली तर मग आर्थिक गैरव्यवहार नकोत.देवा धर्माचे नाव नकोत.असे असतानाही हा खुलेआम सुरु असलेला धांगडधिंगा व नंगानाच जिल्ह्याचे कर्तव्यदक्ष म्हणून ओळखले जाणारे जिल्हाधिकारी यांची काहीच नैतिक जबाबदारी म्हणून येत नाही का?
ग्रामपंचायतीच्या निवडणूकीत सरळ सरळ आर्थिक बोली लावून लिलाव पध्दत हा आदर्श निवडणूक आयोगाच्या नजरेत भंग ठरत नाही का?जर हा भंग ठरतच नसेल,तर मग कशाला घेतात निवडणूका…आमदार,खासदार,मुख्यमंत्री ,पंतप्रधान सुध्दा बसवायला हवा लिलावाव्दारेच!म्हणजे उरली सुरली लोकशाहीची थोडी फार अब्रूही लिलावातच निघेल..!या उतर महाराष्ट्रात घडलेल्या दोघा ग्रामपंचायतीच्या घटनापासून मतदारांनी नेमका काय बोध घ्यायचा? व त्याचा काय अर्थ काढायचा हे आता खरे तर निवडणूक आयोगानेच स्पष्ट करायला पाहिजे.म्हणजे या लोकशाहीप्रधान देशात कुणीही निवडणुकावर भरोसा ठेवणार नाही.अर्थातच निवडणूकांचे बाजारीकरण झालेच आहे.”माल लगाओ माल कमावो”या प्रवृतीमुळेच लोकशाही धोक्यात आल्याचीच हि पुर्वसुचना आहे.हे मात्र खरे!

Previous articleजुगार अड्ड्यावर पोलिसांचा छापा, ७ अटक ५ फरार साडेतीन लाखाचा मुद्देमाल जप्त, lcb ची कारवाही
Next articleभारतीय जनता पार्टी ओबीसी आघाडीच्या शहर अध्यक्षपदी श्री राहुल पेंडकर यांची निवड..
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here