राजेंद्र पाटील राऊत
वडगांव शहरातील दत्तनगर मधील ओढाच (नाला) गायब
वडगांव : हातकणंगले रोडवरती पोलीस स्टेशन समोर दत्तनगर, शिवाजी नगर मधून जाणारा ओढा (नाला) गायब होत चालला आहे. मौजे तासगाव माळावरून आलेला व डॉ. अजित पाटील यांच्या दवाखान्याच्या पूर्वेला आणि समोरील पेट्रोल पंपाच्या खालुन गेलेला पाण्याचा ओढा काही अधिकृत वा अनाधिकृत बांधकामामुळे गायब होत चाललेला असून त्याकडे वडगांव नगरपालिका प्रशासनाने जाणून-बुजून व संगनमताने दुर्लक्ष केले आहे.
सदर ओढा मुरूम टाकून बुजवून ओढ्याची रूंदी कमि करून त्यामध्ये सिंमेंट पाईप टाकून सदर ओढ्यावरील जागेवर अतिक्रमण केले आहे.
सदर ओढ्याला पावसाळ्यात मोठ्या प्रमाणात पाण्याचा प्रवाह येत असून तेथील काही बांधकामामुळे ओढ्याची खोली व रुंदी पूर्णपणे कमी झाले असून ओढ्याचे पाणी शिवाजीनगर व दत्तनगर मधील काही घरात पाणी शिरत असून वारंवार वडगांव नगरपालिकेत लेखी स्वरूपात तक्रार दाखल करून देखील दत्तनगर मधील व शिवाजी नगर मधील नागरिकांची जाणून-बुजून दखल घेतली जात नाही .
सदर ओढा पूर्वीपासून तासगाव माळ , मार्केट कमिटीच्या पाठीमागील बाजूने व डॉ. अजित पाटील यांच्या पूर्वेकडून आलेला आहे त्याची रूंदी कागदोपत्री विस ते पंचवीस फुट इतकी आहे. डॉ. अजित पाटील यांच्या हॉस्पिटल व सत्यअनंत मंगल कार्यालय पर्यंत ओढ्याची ची लांबी रुंदी मोठी आहे. पण तेथे शेजारी ओढ्यावरच पेट्रोलपंपाचे बांधकाम झाल्याने .
पंपा खालुन ओढा गेल्यामुळे ओढ्याची लांबी रुंदी पूर्णपणे कमी झाल्याने पाण्याचा प्रवाह ओढ्याच्या बाहेर येऊन येथील रहिवाशांच्या काही घरामध्ये पावसाळ्यामध्ये मोठ्या प्रमाणात पाणी शिरत असून तेथील रहिवास्यांना नाहक त्रास होत आहे.
सदर ओढ्याची पुर्वीप्रमाणे लांबी रूंदी करून प्रवाहाचे पाणि न साचता त्याचा निचरा व्यवस्थित व्हावा अशी तेथील स्थानिक रहिवाश्यांची मागणी पालिका प्रशासनाकडे होत आहे.
युवा मराठा न्यूज नेटवर्क .
