राजेंद्र पाटील राऊत
नांदेड जिल्ह्यातील धर्माबाद शहरात अनोळखी व्यक्तीचे प्रेत सापडले देगलूर,(संजय कोकेंवार प्रतिनिधी युवा मराठा न्युज)- आज दिनांक .23 डिसेंबर रोजी धर्माबाद शहरातील कुंठा गल्ली भागात पाण्याच्या नाल्याजवळ अनोळखी व्यक्तीचा मृतदेह सापडला असून, याबाबत पोलिसांनी मृतदेहाची ओळख पटविण्याचे आव्हान केले आहे. शहरातील कुंठा गल्ली भागातील पाण्याच्या नाल्याजवळ 55 वर्षे वय असलेल्या एका अनोळखी व्यक्तीचा मृतदेह सापडला आहे. याबाबत पोलीस स्टेशन पोलीस निरीक्षक सोनमात्रे यांना माहिती मिळताच पोलीस उपनिरीक्षक अनिल सनगरे यांना पंचनामा करण्याचे सांगितले आहे. मृतांची ओळख पटत नसल्यामुळे अनोळखी मृतदेह सापडल्याची नोंद पोलीस स्टेशनमध्ये करण्यात आली.या व्यक्तीबद्दल ज्यांना कोणाला माहिती असेल किंवा ओळख असेल ,त्यांनी धर्माबाद पोलीस स्टेशनची संपर्क साधावा असे आव्हान धर्माबाद पोलीस च्या वतीने पोलीस निरीक्षक सोन मात्रे पोलीस उपनिरीक्षक अनिल सनगरे यांनी केली आहे.