• Home
  • दिल्लीतील शेतकरी आंदोलन पाठिंब्यास वडगांव शहरात रास्ता रोको

दिल्लीतील शेतकरी आंदोलन पाठिंब्यास वडगांव शहरात रास्ता रोको

 

वडगाव वार्ताहर : वडगांव नगरपरिषद चौकात आँल इंडीया यूथ फेडरेशन व आँल इंडीया स्टुडंट फेडरेशन व किसान संघर्ष समिती हातकणंगले यांच्या वतीने रास्ता-रोको करत प्रचंड घोषणाबाजीत रस्त्यावरच चटणी भाकर खात आंदोलन करण्यात आले. दिल्ली येथे अन्याय कारक शेतकरीविरोधी कृषी कायदे मागे घेण्यासाठी सुरू असलेल्या लाखो शेतकऱ्यांच्या आंदोलनास पाठिंबा देण्यासाठी हे आंदोलन पेठ वडगांव शाहरात घेण्यात आले.
हे आंदोलन पुणे बेंगलोर महामार्गावर होणार होते. परंतु पोलिसांनी दडपशाही करत कार्यकर्त्यांना परवानगी नाकारली त्यामुळे कार्यकर्त्यांनी वडगांव नगरपरिषदे समोर रास्ता रोको आंदोलन केले.
यावेळी संघटनेच्या कार्यकर्त्यांनी मोदी सरकार होश मे होश मे आके बात करो, खूप बोल किसान हल्लाबोल, अन्यायकारक कृषी कायदे मागे घ्या, आवाज दो हम एक है, शेतकरी कष्टकरी एकजुटीचा विजय असो अशा घोषणांनी नगरपालिका चौक दणाणून सोडला.
यावेळी बोलताना यूथ फेडरेशनचे राष्ट्रीय नेते गिरीश फोंडे म्हणाले,” दिल्लीतील लाखो शेतकऱ्यांचे आंदोलन नरेंद्र मोदी सरकार थंड करण्याच्या तयारीत आहे. केंद्रसरकार जाणीवपूर्वक आंदोलक शेतकरी हे फक्त पंजाब हरियाणा राज्यातील आहेत अशी अफवा पसरवत आहेत. पण देशभरात गेले दोन महिने सुरू असलेले आंदोलन आता महाराष्ट्रात व इतर राज्यांत धगधगत चालले आहे.
कार्पोरेट शेतीकरण, बाजार कमिटी व सहकार उध्वस्त करणे, शेतीमालाला हमीभाव नाकारणे, शेतकऱ्याला भांडवलदारांसाठी बळी देणे असे कट-कारस्थान कायद्याद्वारे मोदी रचत आहेत. ते मागे न घेतल्यास भारत बंद करू.
शेतकरी शिवाजी सूर्यवंशी म्हणाले,” शेतकरी हा अंगार आहे मोदी सरकारने शेतकऱ्यांची थट्टा चालवली आहे. कायदे मागं न घेतल्यास सरकार उलथवून टाकू.”
ए आय एस एफ राज्य सेक्रेटरी प्रशांत आंबी म्हणाले,” शेतकऱ्यांच्या या आंदोलनात शेतकरी एकटे नाहीत या देशातील शेतकऱ्यांची मुलं देखील शेती व शेतकरी वाचण्यासाठी प्राणपणाने लढतील.”
यावेळी तहसीलदारांना निवेदन देण्याकरिता पीएसआय प्रशांत निशाणदार यांच्याकडे देण्यात आले. यावेळी रवी जाधव, जयश्री नाईक यांची भाषणे झाली. यावेळी प्रशांत आंबी, शिवाजीराव सूर्यवंशी, अशोक जाधव, विलासराव पाटील, जगन्नाथ तालुगडे, राजेंद्र महाजन, संपतराव पाटील, सुरेखा शिंदे, जयश्री नाईक, म्हासाबी पकाले, यशोदा झुळे, मंगेश कांबळे, रवींद्र जाधव, सुनील जाधव, ओंकार जाधव, आदर्श निर्मळे, राहुल दळवी, सुहास जाधव, स्नेहल शंकर, सुनील कोळी, श्रीकांत कोळी, सखुबाई पाटील उपस्थित होते.

कोल्हापूर (युवा मराठा न्यूज नेटवर्क )
मोहन शिंदे .

anews Banner

Leave A Comment