आशाताई बच्छाव
देगलूर पोलिसांचा ‘ऑपरेशन गांजा’ : मुसळधार पावसात धाड, 2.80 लाखांचा मुद्देमाल जप्त
मराठवाडा विभागीय संपादक मनोज बिरादार
देगलूर पोलिसांनी गुप्त माहितीच्या आधारे धाडसी कारवाई करत करडखेडवाडी शिवारातील उमेश बालाजी कोनकेवार यांच्या शेतातील गांजाची मोठी लागवड उद्ध्वस्त केली.
या कारवाईत १४ किलो वजनाचे, तब्बल २.८० लाख रुपये किमतीचे ९५ गांजाची झाडे जप्त करण्यात आली आहेत.
ही कारवाई देगलूर पोलीस स्टेशनचे पोलीस निरीक्षक मारुती मुंडे यांच्या मार्गदर्शनाखाली २० अधिकारी-कर्मचारी व २० होमगार्डस अशा ४० जणांच्या पथकाने केली. मुसळधार पावसात व चिखल तुडवत पथकाने शिवारात घातलेली ही धाड पोलिसांच्या चिकाटीची जिवंत साक्ष ठरली.
जप्त केलेल्या झाडांची फोटोग्राफी, शासकीय पंचासमक्ष वजन, सील-लेबलिंग आणि पॅकिंग यासह संपूर्ण प्रक्रिया कायदेशीर पद्धतीने पूर्ण करण्यात आली. आरोपी उमेश बालाजी कोनकेवार यांच्याविरुद्ध NDPS कायद्यानुसार गुन्हा दाखल करण्याची प्रक्रिया सुरू सल्याची माहिती पोलीस निरीक्षक मारुती मुंडे यांनी दिली आहे.
