आशाताई बच्छाव
नगर मनमाड रस्ता दुरुस्तीसाठी राहुरी फॅक्टरी येथे रास्ता रोको आंदोलन
अहिल्यानगर प्रतिनिधी कारभारी गव्हाणे-मनमाड रस्ता दुरुस्तीचे काम लवकरात -लवकर व्हावे, यासाठी रस्ता कृती समितीने आज (ता.१०) सकाळी राहुरी फॅक्टरी येथे केलेल्या रास्ता-रोको आंदोलनात जिल्हाधिकारी पंकज आशिया यांची देखील गाडी आंदोलनकर्त्यांनी अडवल्याने काही काळ चांगलाच तणाव निर्माण झाला होता. मात्र, पोलिसांनी वेळीच हस्तक्षेप केल्याने जिल्हाधिकाऱ्यांना पर्यायी मार्गाने शिर्डीकडे जावे लागले.
सुमारे तासभर झालेल्या या रास्ता रोकोने अनेकांची तारांबळ उडाली. राष्ट्रीय महामार्ग प्राधिकरणाचे अभियंता सूरज कदम यांनी आंदोलकांचे निवेदन स्वीकारले. प्राधिकरणाच्या वतीने आंदोलकांना लवकरच लेखी उत्तर दिले जाणार असल्याचे सांगण्यात आले. त्या आश्वासनावर आंदोलन मागे घेण्यात आले. कृती समितीचे वसंत कदम ,अनिल येवले, प्रशांत मुसमाडे, आदिनाथ कराळे ,सुधाकर आदिक, सुनील विश्वासराव, जयसिंग घाडगे, दीपक त्रिभुवन यांची यावेळी भाषणे झाली.
