आशाताई बच्छाव
आमदार मिलिंद नरोटे यांनी स्वखर्चाने वाचनालयाची छत दुरुस्त करून विद्यार्थ्यांसाठी दिला मोठा दिलासा
चातगाव/गडचिरोली सुरज गुंडमवार ब्युरो चीफ:- आमदार मिलिंद नरोटे दिनांक 16 जून सोमवारला चातगाव येथील विद्यार्थ्यांच्या वाचनालयाला भेट दिली होती.
पावसाळ्याच्या दिवसात वाचनालयाच्या छतामधून पावसाचे पाणी गळत असल्याने विद्यार्थ्यांना अभ्यास करताना मोठ्या अडचणींना सामोरे जावे लागत होते. ही समस्या लक्षात घेऊन विद्यार्थ्यांनी आमदार मा. मिलिंद नरोटे यांच्याकडे छत दुरुस्ती ची मागणी केली होती.
विद्यार्थ्यांची ही व्यथा गांभीर्याने घेत, मा. आमदार मिलिंद नरोटे यांनी कोणताही औपचारिक निधी न घेता स्वखर्चातून दुसऱ्याच दिवशी नवीन टिन पत्रे लाऊन वाचनालयाची छत दुरुस्त करून दिली. या उपक्रमामुळे आता विद्यार्थ्यांना सुरक्षित आणि शांत वातावरणात अभ्यास करता येणार आहे.
ग्रामस्थ व विद्यार्थ्यांनी आमदार साहेबांचे मनःपूर्वक आभार मानले असून, त्यांच्या या विधायक कृतीचे सर्वत्र कौतुक होत आहे.
