आशाताई बच्छाव
खडक माळेगाव येथे मामाच्या गावाला आलेल्या मुलाचा शेततळ्यात पडून मृत्यू
दैनिक युवा मराठा
निफाड नाशिक प्रतिनिधी रामभाऊ आवारे
खडकमाळेगाव ता. निफाड येथे सुट्टीनिमित्त मामाच्या गावाला आलेल्या १० वर्षीय बालकाचा मृतदेह शेततळ्यात आढळल्याने परीसरात एकच खळबळ उडाली आहे.
कु.युवराज मंगेश कोकाटे वय १० वर्ष रा.एम.आय.डी.सी.सातपुर, नाशिक हा सुट्टीनिमित्त खडक माळेगांव येथे मामाच्या गावाला आला होता. मात्र तो दि.५ जून सायं ६ वाजेपासून गायब होता. याबाबत पो.पा.वैशाली बाजारे यांनी लासलगाव पोलीस स्टेशनला कळवले असता स.पो.नि.भास्करराव शिंदे यांनी फौजफाट्यासह खडक माळेगाव येथे दाखल होऊन परिसरात शोध घेत घेतला. शोधमोहीम सुरु असतांना दि.६ जून रोजी दुपारी २ वाजता दिंगबर गायकवाड यांना संजय वामन गवळी याचे मालकीची शेत गट नंबर १६ मधील पाण्याचे शेत तळ्यात त्याचा मृतदेह पालथ्या स्थितीत तरंगतांना मिळुन आला. याबाबत आकस्मिक मृत्यूची नोंद करण्यात आली असून स.पो.नि.भास्करराव शिंदे यांचे मार्गदर्शनाखाली पो.ऊ.नि.किसन पवार अधिक तपास करीत आहेत.
