आशाताई बच्छाव
साक्रीच्या छडवेलमधील सट्टामाफीया किशोर शिंदे,
करतो पोलिसांच्या नाकावर टिच्चून जुगारातून गोरगरीबांचे घरे बरबादीचे धंदे…!
मालेगाव, (कार्यालयीन प्रतिनिधी)- अवैध धंद्याचा सुळसुळाट वाढला आहे.सर्वत्र अनितीने पैसे कमविण्याचा साधा सरळ फंडा उदयास येत चालला आहे.कमी श्रमात जास्तीत जास्त पैसा मिळविण्यासाठी गोरगरीबांच्या सुखी संसाराची बरबादी व राखरांगोळी करण्यासही हे अवैध धंद्यात ले माफीया मागेपुढे पहात नाहीत.अगदी पोलिसांच्या नाकावर टिच्चून हे असले अवैध धंदे राजरोसपणे बिनबोभाट सुरू असतात.त्यात भरडले जातात फक्त गोरगरीब व सर्वसामान्य नागरिक .
धुळे जिल्ह्यातील साक्री तालुक्यात असलेल्या छडवेल या गावी गेल्या कित्येक दिवसांपासून किशोर शिंदे नामक व्यक्ती सट्टा मटका जुगार चालवून या भागातील गोरगरीब आदिवासी नागरिकांना उध्वस्त करीत आहे.मोलमजूरी करून कष्ट करणाऱ्या आदिवासी बांधवांना या सट्टा मटका जुगाराच्या नादी लावून त्यांचे संसार बरबादीचे मुख्य कारण शिंदे हा ठरत आहे.दरम्यान विश्वसनीय सुत्रांकडून मिळालेल्या माहितीनुसार या सट्टामाफीया किशोर शिंदेचा भाऊ पोलिस पाटील म्हणून कार्यरत असल्यामुळे शिंदेंच्या या अवैध सट्टा मटका बेंटींगच्या धंद्याला पोलिसांचे सुध्दा अभय मिळत असल्याचे एकंदरीत चित्र आहे.तर निजामपूर पोलिस स्टेशनचे कर्तृत्ववान सहाय्यक पोलीस निरीक्षक मयुर भामरे यांनी या अवैध सट्टा मटका जुगार अड्डयाचा कायमस्वरूपी समूळ बिमोड करावा अशीच मागणी पुढे येत आहे.
