…वासोळच्या कोलतीनदी काठी “सट्टा माफीयाची भलतीच दांडगी दमदाटी,देवळा पोलिसांच्या नाकावर टिच्चून रोजच कमावतो जुगारातून रग्गड नोटांची पेटी! ( राजेंद्र पाटील राऊत)
मालेगाव:- घरादाराचे वाटोळे करून देशोधडीला लावणारा जुगार म्हणजे रत्न खत्री संचलित सट्टा मटका सध्या देवळा तालुक्यातल्या वासोळ गावाच्या हद्दीत सुरू असल्याची खात्रीलायक माहिती प्राप्त झाली आहे. याबाबत सुत्रांकडून समजलेली माहिती अशी की,वासोळ ता.देवळा गावाच्या कोलती नदीकाठी चांदवडच्या “मुन्ना” नामक सट्टा माफियाने थैमान घातले आहे.त्यामुळे या भागातील गोरगरीब हातावर पोट भरणारा मजूर वर्ग मात्र या जुगाराच्या नादी लागून बरबाद होत असल्याचे एकंदरीत चित्र आहे. या प्रकाराची देवळा पोलिसांना साधी भनक सुध्दा लागू नये याबाबत जाणकार नागरिकांमधून सखेद आश्चर्य व्यक्त केले जात आहे.
