आशाताई बच्छाव
नवोदय प्रवेश परीक्षेत एन. डी. मराठे विद्यालयातील विद्यार्थ्यांचे घवघवीत यश.
(विरदेल प्रतिनिधी-राकेश बेहेरे पाटील)
शिंदखेडा– शहरातील एन.डी. मराठे शैक्षणिक संकुलातील विद्यार्थ्यांनी शैक्षणिक वर्ष २०२४-२५ मध्ये घेण्यात आलेल्या नवोदय विद्यालय समितीच्या इयत्ता सहावीच्या प्रवेश परीक्षेत अत्यंत उल्लेखनीय यश संपादन केले आहे. प्रथम यादीत दोन विद्यार्थ्यांची निवड नवोदय विद्यालयात झाली असून, ही शाळेसाठी अभिमानाची बाब आहे. या परीक्षेत तालुक्यातील शेकडो विद्यार्थी सहभागी झाले होते. प्रचंड स्पर्धेमध्येही एन. डी. मराठे विद्यालयातील विद्यार्थ्यांनी आपली गुणवत्ता सिद्ध करत यश मिळवले. यामध्ये कु. साक्षी चंद्रकांत पिंपळीस्कर व कु.जीवेश सचिन देशमुख या विद्यार्थ्यांची नवोदय विद्यालयासाठी निवड झाली आहे.
संस्थेचे अध्यक्ष भाऊसाहेब श्री साहेबरावजी मराठे, व विद्यालयाचे मुख्याध्यापक श्री अमोल मराठे यांनी यशस्वी विद्यार्थ्यांचे विशेष अभिनंदन केले असून, यामागे शिक्षकांचे मार्गदर्शन, विद्यार्थ्यांची चिकाटी आणि पालकांचे सहकार्य यांचा मोलाचा वाटा असल्याचे नमूद केले. नवोदय परीक्षेसाठी विद्यार्थ्यांना वेळोवेळी मार्गदर्शन, सराव चाचण्या आणि विशेष सत्रांचे आयोजन करण्यात आले होते.
या यशामुळे इतर विद्यार्थ्यांनाही प्रेरणा मिळेल. हे विद्यार्थी आता नवोदयसारख्या प्रतिष्ठित संस्थेमध्ये शिक्षण घेऊन पुढील शैक्षणिक वाटचाल यशस्वी करतील.
यशस्वी विद्यार्थ्यांच्या पालकांनी आनंद व्यक्त करत शाळेचे व शिक्षकांचे आभार मानले. शाळेच्या वतीने यशस्वी विद्यार्थ्यांचा सन्मान करण्यात आला.
