आशाताई बच्छाव
विजांसह तासभर वादळ; अतनूर पट्ट्यात २८ गावात अवकाळी ! बारा बलुतेदारांपैकी कुंभारांचेही मोठे नुकसान!
बी.जी.शिंदे, अतनूर उदगीर / प्रतिनिधी
जळकोट तालुक्यातील अतनूर सह परिसरात गुरुवारी सायंकाळी सात वाजेपासून आठ वाजेपर्यंत विजांच्या कडकडाटात जोरदार वादळाचा तडाखा देऊन बालाघाटाच्या पर्वत रांगेत वसलेल्या डोंगरी व अतिदुर्गम भागातील अतनूर पट्ट्यात अवकाळी पावसाने जोरदार हजेरी लावली होती. त्यामुळे उन्हाळी व रब्बीच्या पिके वादळी वाऱ्याने आडवी झाली असून अवकाळी पावसामुळे कापणी केलेली रब्बीची पिके भिजली आहे. त्यामुळे नुकसान झाले आहे. तसेच गोरगरिबाचे फ्रिज म्हणून घरोघरी, दारोदारी वापरण्यात येणारे नैसर्गिक मातीतून तयार झालेले मटका, गाडगे तसेच उन्हाळ्यात होणाऱ्या गर्मीपासून शरीरात थंडावा मिळावा म्हणून घरोघरी गोरगरीब फ्रिज म्हणून वापरण्यात येणारे मातीचे मडके, मटका, माती मिश्रीत मडके याचे पण मोठ्या प्रमाणात नुकसान झालेले आहे. तसेच बारा बलुतेदांरांपैकी एक असलेल्या कुंभार समाजाचेही या परिसरात व गावात मोठ्या प्रमाणात वास्तव्य आहे. ते येथीलच मूळ रहिवासी असल्यामुळे त्यांचा रोजीरोटी चा व्यवसाय नैसर्गिक माती कामातून मडकी, मटकी व माती पासून निर्मित होणारे विविध चुली, मातीच्या चुली, भांडे, मटका, मडके तसेच वीटभट्टीचाही व्यवसाय व दैनंदिन आर्थिक गरजा भागविण्याकरिता या कुंभार समाजाने उत्पादित करीत असलेल्या माती निमित्त साहित्यांचा ही समावेश आहे. यांचीही मोठ्या प्रमाणात नुकसान झालेले आहे. तालुका कृषी विभागाकडून नुकसानीची माहिती घेण्याचे काम सुरू करावे अशी मागणी होत आहे.
जळकोट तालुक्यातील अतनूर, गव्हाण, मेवापूर, चिंचोली, गुत्ती, मुत्तलगाव, धोंडवाडी, घोणसी, तिरुका, हळद वाढवणा, मांजरी, अवलकोंडा, कोदळी, रामपूर, शिवाजीनगर, हळद वडवणा, मरसांगवी, अतनुर तांडा, भवानीनगर, शिवाजीनगर सह परिसरातील २८ गाव,वाडी, तांडा, वस्तीत गुरुवारी तासभर वादळी वारे सुरु होते. त्यातच अतनूर भागातील २८ वाडी, तांडा, वस्ती, गाव या भागात जोरदार तर तांडा या भागात हलक्या स्वरूपात अवकाळीच्या पावसाने हजेरी लावली आहे. दरम्यान वादळी वाऱ्यात. उन्हाळी मका, भाजीपाला, फळबागांची तसेच केसरी आंबा, रब्बीतील गहू, ज्वारी, बाजरी, केळी पिके आडवी झाली असून नुकसानीची माहिती घेण्यासाठी महसूल व कृषी विभाग सज्ज व्हावे, अशी मागणी अवकाळीचा तडाखा बसलेल्या शेतकरी, अतनूरचे सरपंच चंद्रशेखर पाटील, गव्हाणचे सरपंच बालाजी गुडसुरे, चिंचोलीच्या सरपंच सौ.रेखा बिरादार, गुत्तीच्या सरपंच सौ.मीना यादव केंद्रे, युवा नेते यादवराव केंद्रे, शिवसेनेचे जिल्हा सरचिटणीस विकास सोमुसे-पाटील, शिवसेनेचे माजी तालुकाध्यक्ष मुक्तेश्वर पाटील, कुणबी मराठा शेतकरी सेनेचे शाखाध्यक्ष कैलास सोमुसे-पाटील, कुणबी शेतकरी गटाचे अध्यक्ष बी.जी.शिंदे, धोंडीराम सोमुसे, विजयकुमार पाटील, साहेबराव पाटील, दिलीपराव पाटील, किशन मुगदळे, माजी सरपंच संतोष बट्टेवाड, मेवापूरच्या सरपंच सौ.कोमल तुळशीदास पाटील, सामाजिक कार्यकर्ते तुळशीदास पाटील, अमोल गायकवाड यासह बळिराजा वर्गाने केली आहे.
दरम्यान अवकाळीच्या पावसाने व वादळी वाऱ्याने नुकसान झालेल्या भागाची माहिती देण्याचा सूचना तालुका कृषी अधिकारी आकाश पवार, कृषी पर्यवेक्षक व कृषी सहाय्यक संदीप पाटील यांना दिल्या आहेत. महसूल कडून ग्राम महसूल अधिकारी व अतनूर सज्जाचे तलाठी अतीक शेख यांना सज्ज राहण्याची सूचना तहसीलदार राजेश लांडगे यांनी दिल्या आहेत.
