आशाताई बच्छाव
केंद्र प्रमुख आप्पाने सर यांचा आदर्श शिक्षक पुरस्काराने सन्मानित
मुखेड युवा मराठा न्युज नेटवर्क बस्वराज स्वामी वंटगिरे
मुखेड तालुक्यातील मुक्रमाबाद केंद्राचे केंद्रप्रमुख आप्पाने ज्ञानेश्वर तेजेराव यांना दि. (04 अक्टो) 2024 शुक्रवार रोजी जिल्हा परिषद नांदेड यांच्या वतीने, जिल्हा गुरु गौरव आदर्श शिक्षक पुरस्काराने सन्मानित करण्यात आले. यावेळी खासदार अशोकराव चव्हाण, मुख्य कार्यकारी अधिकारी मीनल करनवाल, शिक्षण अधिकारी (प्राथमिक) डॉ. सविता बिरगे, शिक्षण अधिकारी (माध्यमिक) माधव सलगर, तालुका गटशिक्षणाधिकारी (मुखेड) कैलास होनधरणे यांची प्रमुख उपस्थिती होती.
आप्पाने यांच्या कार्यकाळात स्पर्धा परीक्षा, विविध क्रीडा स्पर्धा, सांस्कृतिक स्पर्धा, वनभोजन, परिसर भेट, शैक्षणिक सहल, वृक्षारोपण, अंधश्रद्धा निर्मूलन, नव साक्षर अभियान राबविण्यात आले. त्याचप्रमाणे समाजाच्या सहभागातून शाळेला विविध शैक्षणिक साहित्य सहजपणे उपलब्ध करून दिले. याप्रसंगी जिल्हा गुरु गौरव पुरस्कार मिळाल्याबद्दल मा. शिक्षण सभापती व्यंकटराव पाटील गोजेगावकर, बबनराव पाटील गोजेगावकर, मा. सभापती अशोकराव पाटील रवीकर, सुरेश सावकार पंदीलवार यांच्यासह मुक्रमाबाद केंद्रातील व तालुक्यातील असंख्य शिक्षकांनी अभिनंदन व्यक्त केले. जिल्ह्यातील सर्व गटशिक्षणाधिकारी, शिक्षक संघटनेचे राज्य,विभाग, जिल्हा व तालुका पदाधिकारी या कार्यक्रमाला उपस्थित होते.
