आशाताई बच्छाव
श्री श्री परमपूज्य सद्गुरु नराशाम महाराज मठ संस्थान येवती(लघु आळंदी) येथे श्रावण महिन्यानिमित्त वार्षिक संजीवन समाधिकाल महोत्सव व अखंड हरिनाम सप्ताह.
मराठवाडा विभागीय संपादक मनोज बिरादार
मुखेड –श्रीक्षेत्र येवती (लघु आळंदी) येथे प्रतिवर्षाप्रमाणे याही वर्षी श्री श्री परमपूज्य सद्गुरु नराशाम महाराज मठ संस्थांनच्या वतीने वार्षिक संजीवन समाधिकाल महोत्सवाचे आयोजन शुक्रवार, दि. 23 ऑगस्ट 2024 रोजी करण्यात आले आहे. त्यानिमित्य अखंड हरिनाम सप्ताहाचे आयोजन शनिवार दि. 17 ऑगस्ट 2024 ते शुक्रवार दि. 23 ऑगस्ट 2024पर्यंत करण्यात आले आहे. या सप्ताहात नित्य रोज समाधी रुद्र अभिषेक, नामजप, अनुष्ठान, गुरु चरित्र पारायण, नाराशाम स्तोत्र, गुरु महिमा, ज्ञानेश्वरी पारायण, गाथा भजन, हरिपाठ, हरिकीर्तन, हरिजागर आदी होणार आहे. पहाटे ४ ते ६ काकडा, सकाळी ६ ते ९ ज्ञानेश्वरी पारायण, नराशाम स्तोत्र, गुरु महिमा, सकाळी १० ते १२ गाथा भजन, सायं. ६ ते ७ हरिपाठ, रात्री ९ ते ११ हरीकीर्तन व रात्री १२ ते ४ हरिजागर होणार आहे. या कार्यक्रमात 17 ऑगस्ट रोजी ह.भ.प. धोंडिबा महाराज मोकासदरेकर, 18 ऑगस्ट ह.भ.प. गोविंद महाराज देशमुख, 19 ऑगस्ट ह.भ.प. ज्ञानेश्वर महाराज ईटग्याळकर ,20 ऑगस्ट ह.भ.प. नागोराव महाराज एकलारकर ,21 ऑगस्ट ह.भ.प. नरसिंग महाराज डोंगळीकर, 22 ऑगस्ट ह. भ. प मनोहर महाराज वसुरकर,23 ऑगस्ट ह. भ. प .शंकर महाराज खिसे इब्राहीमपूरकर, 24 ऑगस्ट ह.भ.प. शंकर महाराज खिसे इब्राहीमपूरकर, यांचे काल्याचे कीर्तन होणार आहे. दि 23 ऑगस्ट रोजी2024 श्री ज्ञानेश्वरी सांगता, सकाळी १० ते १२ गाथापूजा, दुपारी २ वा. संजीवन समाधी महाअभिषेक, महाआरती व महाप्रसादाचे आयोजन श्री गंगाधर मारुती महाजन बाऱ्हाळी,श्री उत्तम दत्तात्रेय दाचावार सकनुर यांच्या वतीने करण्यात आले आहे. तसेच दि. 28 मे ते 08 जून या कालावधीत श्रीक्षेत्र रामेश्वर यात्रा महोत्सवाचे आयोजन करण्यात आले आहे. तरी इच्छुक भक्तांनी लवकर संपर्क सद्गुरु सेवा समितीशी करावे असे आवाहन संस्थानच्या वतीने करण्यात आले आहे या कार्यक्रमास परिसरातील नागरिक भक्तगनाणी मोठ्या संख्येनी सहभागी व्हावे असे आवाहन संस्थांनचे मठाधिपती श्री प.पु सद्गुरु नराशाम महाराज यांच्या वतीने करण्यात आले आहे.
