आशाताई बच्छाव
प्रधानमंत्री आवास योजनेची न भेटलेली रक्कम लाभार्थ्यांच्या खात्यात त्वरित जमा करा – डॉ. मिलिंद नरोटे
गडचिरोली ( सुरज गुंडमवार ब्युरो चीफ)
गडचिरोली तालुक्यातील मौजा मुरमाडी गावातील लाभार्थ्यांना प्रधानमंत्री आवास योजनेअंतर्गत घरकुलाचे बांधकाम पूर्ण होऊन सुद्धा लाभार्थ्यांना आत्ता पर्यंत फक्त एक- दोन हप्तेच मिळाले आहेत. काही लाभार्थ्यांनी बचत गटातून पैसे उचलले, कर्ज घेऊन घर बांधले आणि ते घर पूर्णत्वास आले. पण प्रशासनाकडून हप्ता न आल्यामुळे त्याचा परिणाम लाभार्थ्यांना ऐन शेतीच्या हंगामात आर्थिक संकटाचा सामना करावा लागत आहे.
त्याकरिता प्रधानमंत्री आवास योजनेची उर्वरित रक्कम लवकरात लवकर लाभार्थ्यांच्या खात्यामध्ये जमा करण्यात यावी अशी मागणी डॉ. मिलिंद रामजी नरोटे, उपाध्यक्ष,भारतीय जनता पार्टी गडचिरोली तथा जिल्हा प्रभारी भाजपा आदिवासी मोर्चा गडचिरोली यांच्या नेतृत्वाखाली शिष्टमंडळाने जिल्हाधिकारी संजय दैने यांच्याकडे केली.
शिष्टमंडळामध्ये डॉ. मिलिंद नरोटे यांचेसह पंकज सोमनकार, सचिन भुसारी, लालाजी भुसारी, प्रवीण भोयर, रामदास भुसारी, दीपक कोहपरे, मुकुंदा भुयारी, किशोर भुयारी, हंसराज कोहपरे, प्रमोद भुयारी, केशव आवारी, अशोक डोईजड,लालाजी कोहपरे, तुळशीराम डोईजड, किशोर आवारी, रवींद्र आवारी, विकेश आवारी, मोरेश्वर आवारी, डोमजी भुयारी,सुधीर भुयारी, मुरलीधर आवारी, राजू भोयर आदी ग्रामस्थ उपस्थिती होते.
