आशाताई बच्छाव
पेण येथील मूक मोर्चात मागणी :
यशश्री शिदेच्या खुनाचा खटला फास्ट ट्रॅक कोर्टात चालवून आरोपीला फासावर लटकवा
युवा मराठा न्यूज रायगड ब्यूरो चीफ:- मुजाहीद मोमीन
उरण येथील यशश्री शिंदेच्या हत्येचा खटला फास्ट ट्रॅक कोर्टात चालवून आरोपीला फासावर लटकवा अशी मागणी यशश्री शिंदेच्या हत्येच्या निषेधार्थ पेण येथे आयोजित मूक मोर्चा करण्यात आली.
उरण येथील तरुणी यशश्री शिंदेची क्रूरतेने हत्या करण्यात आली, या हत्येच्या निषेधार्थ सह्याद्री प्रतिष्ठान हिंदुस्थानच्या माध्यमातून पेण शहरात मुक मोर्चाची हाक देण्यात आली होती, या मुक मोर्चात महिला मोठ्या संख्येने सहभागी झाल्या होत्या. सह्याद्री प्रतिष्ठान हिंदुस्थानचे मावळे आणि विविध प्रकारच्या सामजिक संघटनांचे सदस्य आणि कार्यकर्ते यावेळी उपस्थित होते.
कोणत्याही प्रकारच्या घोषणा न देता काळे कपडे परिधान करून, तोंडाला काळे मास्क लावून आणि हाताला काळ्या फिती लावून मुक मोर्चा महात्मा गांधी सार्वजनिक वाचनालय, नगर पालिका चौक, बाजारपेठ मार्गाने पेण पोलिस ठाण्यापर्यंत नेण्यात आला. मोर्चाच्या शिष्टमंडळाने पेण पोलिस निरीक्षक संदीप बागुल यांना निवेदन देऊन केस फास्टट्रॅक कोर्टात चालवून आरोपीला फासावर लटकवा अशी मागणी केली.
कोणतीही महिला हरवली तर चोवीस तासांच्या आत तिची तक्रार दाखल करण्यात यावी. महिलांसाठीच्या कायद्यांची कठोरपणे अम्मलबजावणी करावी, शासन आणि गृह मंत्रालयाने महिलांसाठी खास कमिटी तयार करून महीलांच्या तक्रारीचे निवारण तातडीने करावे अशी मागणीलेखी निवेदनातुन करण्यात आली.
या मूक मोर्चात सह्याद्री प्रतिष्ठान हिंदुस्थानचे समिर म्हात्रे, सामाजिक कार्यकर्ते वैशाली पाटील, शिवसेना महिला आघाडीच्या दीपश्री पोटफोडे, शमा म्हात्रे, नंदा म्हात्रे, प्रविणा सावंत, उपजिल्हाप्रमुख अविनाश म्हात्रे, वाहतूक सेनेचे दिलीप पाटील, विभाग प्रमुख राजू पाटील, भगवान पाटील, गजानन मोकल, तुकाराम म्हात्रे, जयराज तांडेल, लव्हेंद्र मोकल, दिलीप बामणे, महानंदा तांडेल, वैशाली समेळ, मेघना चव्हाण वैशाली बामणे आदींसह नागरिक मोठ्या संख्येने सहभागी झाले होते.