आशाताई बच्छाव
भांबेडच्या पॅराप्लेजिक वरुण गोसावी यांना आरएचपी फाउंडेशनतर्फे मदतीचा हात. रत्नागिरी,(सुनील धावडे ब्युरो चीफ)
आरएचपी फाउंडेशनतर्फे वरुण विश्वनाथ गोसावी (रा.भांबेड ता. लांजा) याला व्हीलचेअर देण्यात आली. व्हिलचेअर दिल्याबद्दल वरुणच्या आई वडीलांनी तसेच त्याच्या कुटुंबियांनी आरएचपी फाउंडेशनचे विशेष आभार मानले आहेत.
वरुण यांचा आठ महिन्यांपूर्वी झाडावरुन पडून अपघात झाला होता. केबलचे काम करण्यासाठी गावी आले असताना काम करताना चक्कर येऊन पडल्याने पाठीच्या मणक्याला मार लागला होता. यामध्ये तीन मणके फ्रॅक्चर झाले. कोल्हापूरला ॲस्टर आधार हॉस्पीटलमधे मणक्यावर ऑपरेशन झाले. मात्र कमरेपासून खाली सर्व संवेदना बंद झाल्या. त्यामुळे गेले आठ महिन्यापासून घरीच बेडवर झोपून आहेत. बेडसोअर असल्याने त्यांना बसता येत नाही, पाठीचा बॅलन्स जातो. घरच्यांच्या मदतीने त्यांना उठून बसावे लागते.
वरुण गोसावी यांचे लग्न झाले असून पत्नी व मुलगी त्यांच्यासोबत राहतात. वरुण गोसावी हे मुंबईत खासगी कंपनीमधे वायरमन म्हणून कामाला होते. परंतु गावी कामासाठी आले आणि दुर्दैवाने त्यांना अपंगत्व आले. त्यांच्या औषधोपचारांसाठी लाखो रुपये खर्ची पडले, पण काही उपयोग झाला नाही. त्यांच्या या आजारची माहिती रत्नागिरी हॅण्डीकॅप पॅराप्लेजिक फाउंडेशनचे अध्यक्ष सादीकभाई नाकाडे यांना समजली. त्यांनी वरुणची भेट घेतली. त्यांची विचारपूस केली. त्याचे दैनंदिन जीवन सुसह्य व्हावे आणि त्याच्या घरच्यांचा त्रास कमी व्हावा यासाठी वरुणच्या सोईची व्हीलचेअर हवी होती.
श्री सादिक नाकाडेंनी व्हीलचेअरसाठी आवाहन केले, त्या आवाहनाला साद देवुन रत्नागीरीच्या पी.डब्ल्यु.डी मध्ये कार्यरत असलेल्या सौ.वैशाली नारकर यांनी मदतीचा हात पुढे केला. त्यांनी त्यांचे वडील कै.मुकुंद राम गांधी यांच्या स्मरणार्थ व्हीलचेअर डोनेट केली. व्हीलचेअर वाटप करते वेळी सौ.वैशाली नारकर, भाऊ संकेत मुकुंद गांधी, तन्वी विश्वास खातु, आरएचपी फाउंडेशनचे अध्यक्ष श्री सादीक नाकाडे, सदस्य श्री समीर नाकाडे, प्रिया बेर्डे तसेच वरुण गोसावी आणि त्याचे भावोजी श्री प्रमोद गुरव उपस्थित होते.
