आशाताई बच्छाव
चाळीसगावात डॉक्टरची कार नेली चोरून
चाळीसगाव प्रतिनिधी विजय पाटील- शहरातील डॉक्टरच्या घराच्या बेसमेन्टमध्ये लावलेली सुमारे 5 लाख रूपये किंमतीची स्पोर्ट कार चोरून नेल्याची घटना घडली असून चाळीसगाव शहर पोलीसात अज्ञात चोरट्यांच्या विरोधात गुन्हा दाखल करण्यात आला आहे.
याबाबत माहिती अशी की, स्त्रीरोगतज्ञ डॉ. संजय चव्हाण यांचे हिरापूर रोडवर हॉस्पीटल आणि घर आहे. त्यांनी त्यांच्या घराच्या बेसमेन्टमध्ये एमएच.19 बीजे.6571 ही काळ्या रंगाची पॅजेरो स्पोर्ट कार लावलेली होती. दि.11 रोजी रात्री 11 वाजता ते दि.12 रोजी पहाटे 6.30 वाजेच्या सुमारास अज्ञात चोरट्याने कार चोरून नेली.
याप्रकरणी डॉ. संजय चव्हाण यांच्या फिर्यादीवरून अज्ञात चोरट्याच्या विरोधात चाळीसगाव शहर पोलीस स्टेशनला भादंवि कलम 379,427 प्रमाणे गुन्हा दाखल करण्यात आला आहे. तपास पोलीस निरीक्षक संदीप पाटील यांच्या मार्गदर्शनाखाली उपनिरीक्षक सुहास आव्हाड करीत आहेत.