आशाताई बच्छाव
चाळीसगावात जनजागृतीसाठी 34 इव्हीएम मशिन दाखल
चाळीसगाव प्रतिनिधी विजय पाटील- निवडणूक आयोगाच्या वतीने इलेक्ट्रॉनिक मतदान यंत्राबाबत नागरिकांमध्ये विश्वास निर्माण करण्यासाठी ठिकठिकाणी प्रात्यक्षिक सादर करून मतदान यंत्र सुरक्षित असल्याविषयी जनजागृती करण्यात येणार आहे. चाळीसगाव तालुक्यात ही जनजागृती होणार असून या पार्श्वभूमीवर भुसावळ येथून सुमारे 34 इलेक्ट्रिक मतदार यंत्रे प्रशासनाकडे आली आहेत.
उप जिल्हा निवडणूक अधिकारी, जळगांव श्रीकर चिंचकर यांनी चाळीसगाव विधानसभा मतदारसंघास भेट देऊन मतदार यादी संक्षिप्त पुनरिक्ष 2024 कार्यक्रमाचा तसेच नाशिक विभाग शिक्षक मतदारसंघ मतदार नोंदणीबाबत बीएलओ यांचेशी चर्चा करून विविध निवडणूक कामांचा आढावा घेतला.
यावेळी त्यांनी जनजागृतीसाठी ईव्हीएम अर्थात इले्नट्रीक मतदार यंत्रे ठेवलेल्या स्ट्रॉंगरुमला भेट दिली. यावेळी चाळीसगाव उपविभागीय अधिकारी प्रमोद हिले,तहसीलदार प्रशांत पाटील,निवडणूक नायब तहसिलदार संदेश निकुंभ,निवडणूक महसूल सहायक तुशांत अहिरे उपस्थित होते.
मतदान जनजागृतीबाबत पथनाट्य
दरम्यान चाळीसगाव विधानसभा मतदारसंघात स्वातंत्र्यवीर सावरकर चौकात अभिनव माध्यमिक विद्यालयाच्या विद्यार्थ्यांनी शुक्रवारी मतदार नोंदणी आणि मतदान जनजागृती पर पथनाट्य सादर केले.
यावेळी उपविभागीय अधिकारी तथा मतदार नोंदणी अधिकारी प्रमोद हिले,तहसीलदार चाळीसगाव तथा सहायक मतदार नोंदणी अधिकारी प्रशांत पाटील, गट विकास अधिकारी नंदकुमार वाळेकर, निवडणूक नायब तहसीलदार संदेश निकुंभ, गट शिक्षण अधिकारी विलास भोई आदी उपस्थित होते.
