आशाताई बच्छाव
पुणे, हवेली तालुका प्रतिनिधी श्री संजय वाघमारे: उपोषणाला बसलेल्या एका लहान चिमुरडीचा मृत्यू? १८ ऑगस्ट २०२२ या दिवसापासून चिकर्डे ग्रामपंचायत, तालुका बार्शी, जिल्हा सोलापूर या ठिकाणी ग्रामस्थ व त्यांच्याबरोबर एक लहान अपंग मुलगी उपोषणाला बसली असताना तिथे त्या उपोषणादरम्यान मृत्यू झाला, असे ग्रामस्थ यांनी सांगितले .ग्रामस्थांनी सांगितले की उन्हातल्या प्रकोपाने उपोषणाला त्रास होत असल्यामुळे त्या ठिकाणी त्या बालिकेचा मृत्यू झाला असे सांगण्यात आले. हे उपोषण ग्रामपंचायतीच्या एकूण निधीमध्ये ५ टक्के निधी हा अपंगासाठी राखीव असतो . चिकर्डे ग्रामपंचायत हा निधी अपंगासाठी वापरत नाही यासाठी हा उपोषणाचा निर्णय घेण्यात आला होता. या उपोषणामध्ये त्या चिमुरडीचा मृत्यू झाला. ग्रामस्थांचं म्हणणे आहे की या चिमुरडीच्या दवाखान्याचा खर्च जवळपास दीड लाखाच्या आसपास आहे, तो शासनाने द्यावा अशी आमची विनंती आहे. प्रशासनाला विचारले असता त्यांनी सांगितले की या आजारी मुलीचा व या उपोषणाचा काहीही संबंध नाही असे सांगण्यात येत आहे .तिला दवाखान्यात दाखल केले होते तेथे तिचा मृत्यू झाला असे या प्रशासनाने सांगितले आहे. पुढील चौकशी होऊन निर्णय घेण्यात यावा असेही प्रशासनाने सांगितले.
