आशाताई बच्छाव
सोनेगाव चे सुपुत्र अनिकेत कुलकर्णी यांची यिन केंद्रीय शिक्षण समितीवर निवड. अहमदनगर,(ब्युरो टिम युवा मराठा न्युज नेटवर्क)
नुकत्याच झालेल्या यिन कॉनक्लेव 2022 या कार्यक्रमात अनिकेत कुलकर्णी यांची यिन केंद्रीय शिक्षण समितीवर संघटक म्हणून शिक्षण समितीवर निवड करण्यात आली आहे. राज्यभरातील त्यांचे संघटनात्मक कार्य आणि युवक वर्गातील प्रसिद्धी बघत ही निवड झाली असून यामुळं त्यांना पुढं काम करण्याची संधी मिळाली आहे.
2 महिने चाललेल्या या निवड प्रक्रियेच्या सर्व टप्प्यांवर यश मिळवत अखेर अनिकेत यांनी या समितीवर त्यांचे स्थान मिळवले. ऑनलाईन परीक्षा, मुलाखत आणि सामाजिक कामाचा अहवाल अस या निवडीचे स्वरूप होते. अनिकेत कुलकर्णी यांचे सामाजिक काम, विद्यार्थ्यांपर्यंत थेट संपर्क आणि दांडगा अनुभव यामुळे त्याची हे नियुक्ती झाली आहे. यिन च्या माध्यमातून अनिकेत गेल्या 2 वर्षांपासून काम करत आहेत. विविध सामाजिक उपक्रमांमध्ये त्यांचा सहभाग असतो. अनेक उपक्रम त्यांनी राबवले आहेत. येत्या काळात शिक्षण समितीच्या माध्यमातून विद्यार्थी हितासाठी मोठ काम करू अस ते निवडीवर प्रतिक्रिया देताना बोलले.
या कार्यक्रमासाठी अभिजीत पवार, पुण्याचे पोलीस आयुक्त अमिताभ गुप्ता, तुकाराम महाराज यांचे वंशज सदानंद मोरे, सिनेअभिनेते सौरभ गोखले, महेंद्र सोनवणे, आदी दिग्गज मान्यवरांनी यावेळी या नेतृत्व करणाऱ्या युवकांना मार्गदर्शन केले.
