राजेंद्र पाटील राऊत
बागलाण तालुक्यातील आंतरजातीय अल्पवयीन आदिवासी मुलींचे विवाह रोखण्यासाठी राज्य महिला आयोगाकडे तक्रार…!
सटाणा(दावल पगारे प्रतिनिधी युवा मराठा न्युज नेटवर्क):-आदिवासी भील समाज सेवा व बहुद्देशीय संस्थेच्या शिष्टमंडळाने आज बागलाण तालुक्याचे माजी आमदार मा.संजय चव्हाण यांची भेट घेऊन बागलाण तालुक्यातील आदिवासी समाजातील अल्पवयीन मुलींच्या आंतरजातीय विवाहांना आळा घालण्यात यावा.तसेच यासंदर्भात महाराष्ट्र राज्य महिला आयोगाच्या सदस्या व माजी आमदार मा.सौ.दिपीकाताई चव्हाण यांच्यासमवेत बागलाणचे तहसीलदार साहेब तसेच गटविकास अधिकाऱ्यांसोबत येत्या सोमवारी संस्थेच्या शिष्टमंडळाची बैठक आयोजित करण्यात येणार असल्याचे मा.चव्हाण साहेबांकडून आश्वासन देण्यात आले.तसेच यावेळी तालुक्यातील आदिवासी महिलांवरील गावागावात होत असलेल्या अत्याचार व विविध प्रश्नांवर चर्चा करण्यात आली.यावेळी संस्थेचे अध्यक्ष मा.प्रविण पवार सर सोमपूर, उपाध्यक्ष मा.कैलास मोरे सर, सचिव मा.मश्चिंद्र बोरसे सर, प्रसिद्धीप्रमुख आकाश पवार, वंकर सोनवणे,सचिन सोनवणे,रवींद्र शिंगरे,हिरालाल गायकवाड, दत्तात्रय सोनवणे,बापु वाघ,राजु वाघ,कृष्णा पवार आदींसह पदाधिकारी उपस्थित होते.
