आशाताई बच्छाव
भिला आहेर तालुका प्रतिनिधी
देवळा :- उमराणे कृषी उत्पन्न बाजार समितीचे सभापती प्रशांत देवरे यांचा राजीनामा.
स्व. निवृत्ती काका कृषी उत्पन्न बाजार समितीचे सभापती प्रशांत देवरे यांनी आपल्या सभापती पदाचा राजीनामा जिल्हा उपनिबंधक यांचेकडे सुपूर्द केल्याने भविष्यात या पदावर कोणाची वर्णी लागते याकडे सर्वांचेच लक्ष लागले आहे. नाशिक जिल्ह्यातील अत्यंत कमी कालावधीतच नावारूपाला आलेल्या व शेतीमालाला योग्य दाम आणि शेतमालाची भरपूर आवक असलेल्या उमराणे कृषी उत्पन्न बाजार समितीची गेल्या साडेतीन वर्षांपूर्वी बिनविरोध निवड झाली होती. त्यावेळी आवर्तन पद्धतीने सभापती व उपसभापती पदाची निवड होईल असे संचालक मंडळाने सर्वानुमते ठरले होते त्यानुसार सभापती प्रशांत देवरे यांनी आपल्या पदाचा राजीनामा दिला असून भविष्यात सभापती पदाची माळ कोणाच्या गळ्यात पडेल याकडे सर्वांचेच लक्ष लागले आहे.
प्रतिक्रिया:- ज्यावेळी बाजार समितीची निवडणूक बिनविरोध झाली होती तेव्हाच आवर्तन पद्धतीने सभापती व उपसभापती पदाची निवड होईल असे ठरले होते .मला दोन वर्षांसाठी सभापतीपदाचे आवर्तन दिले होते मात्र साडेतीन वर्षे संचालक मंडळाने माझ्यावर विश्वास ठेवत मी या पदावर कार्यरत होतो . त्यामुळे मी स्वखुशीने या पदाचा राजीनामा देत असून भविष्यात या पदाची धुरा कोणाकडे द्यायची हे आम्ही संचालक मंडळ एकत्र बसून ठरवू.
……प्रशांत देवरे ,सभापती कृषी उत्पन्न बाजार समिती, उमराणे
