आशाताई बच्छाव
अहिल्यानगर प्रतिनिधी कारभारी गव्हाणे –केडगावात पत्रकारावर जीवघेणा हल्ला
केडगाव परिसरात एका अपार्टमेंटमध्ये पत्रकारावर जीवघेणा हल्ला झाल्याची घटना समोर आली आहे. ही घटना शुक्रवारी (ता.६ ) सायंकाळी सातच्या सुमारास घडली. याबाबत कोतवाली पोलीस ठाण्यात अज्ञात व्यक्ती विरोधात गुन्हा दाखल करण्यात आला आहे.
केडगाव उपनगरातील एकनाथ नगर परिसरात नाथकृपा अपार्टमेंटमध्ये पत्रकार अरुण नवथर हे बसले असता तिथे एक अज्ञात व्यक्ती संरक्षण भिंतीवरून उडी मारून अपार्टमेंटमध्ये आला. त्यावेळी नवथर त्याला म्हणाले की, तुम्ही अपार्टमेंटमध्ये आत उडी का मारली, असे विचारले. त्याचा राग आल्याने फिर्यादीला शिवीगाळ करत जबर मारहाण करत जीवघेणा हल्ला केल्याचे फिर्यादीत म्हटले आहे. याबाबत कोतवाली पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. या घटनेचा तपास पोलीस विश्वास गाजरे हे करत आहेत.
