आशाताई बच्छाव
जिल्ह्यात आठवडाभरात ११२ अवैध धंद्यावर गुन्हे शाखेचे छापे
अहिल्यानगर प्रतिनिधी कारभारी गव्हाणे- स्थानिक गुन्हे शाखेने जिल्ह्यातील अवैध धंदे विरोधात कंबर कसली आहे. मागील आठवड्यात जिल्ह्यात ११२ ठिकाणी छापे टाकून विविध पोलीस ठाण्यात ११२ जणांविरुद्ध गुन्हा दाखल केला आहे. तर ८ लाख २८ हजार २७५ रुपयांचा मुद्देमाल हस्तगत केला.
पोलीस अधीक्षक राकेश ओला यांच्या मार्गदर्शनाखाली स्थानिक गुन्हे शाखेचे पोलीस निरीक्षक दिनेश आहेर यांनी जिल्ह्यात विविध ठिकाणी सुरु असलेले अवैध दारू, हातभट्टी, जुगार, मटका चालविणाऱ्यावर छापे टाकून आरोपींच्या मुसक्या आवळल्या आहेत. याबाबत तोफखाना पोलीस ठाण्यात ७ गुन्हे दाखल करण्यात आले आहे. तर एमआयडीसी – १२, नगर तालुका -११, पारनेर – ५, श्रीगोंदा – ३, शेवगाव – ८, नेवासा -१२, पाथर्डी – ४, श्रीरामपूर शहर – ११, संगमनेर शहर १, अकोले -४, राजूर – २, शिर्डी -१५ गुन्हे दाखल करण्यात आले आहेत.
