देगलूर तालुक्यातील ९० ग्रामपंचायतीच्या सरपंच पदाचे आरक्षण जाहीर

आशाताई बच्छाव

देगलूर तालुक्यातील ९० ग्रामपंचायतीच्या सरपंच पदाचे आरक्षण जाहीर

मराठवाडा विभागीय संपादक मनोज बिरादार

नांदेड देगलूर –ग्रामपंचायतींमध्ये आरक्षण सोडतीतून गाव,वाड्या व तांड्यांतील मिनी मंत्रालय म्हणून ओळखल्या जाणाऱ्या ग्रामपंचायतीच्या सरपंच पदासाठी आरक्षण सोडती शुक्रवारी (२५ एप्रिल) पंचायत समितीच्या सभागृहात पार पडल्या. या सोडतीतून “कहीं खुशी, कहीं गम” असे संमिश्र चित्र पाहायला मिळाले.
२०२५-३० कालावधीसाठी आरक्षण निश्चितया सोडतीतून देगलूर तालुक्यातील एकूण ९० ग्रामपंचायतींसाठी २०२५ ते २०३० या पाच वर्षांच्या कालावधीसाठी सरपंच पदाचे आरक्षण निश्चित करण्यात आले.
प्रत्येक गावातील तहसीलदारांच्या उपस्थितीत पार पडलेल्या या सोडतीदरम्यान अनेक इच्छुक उमेदवार उपस्थित होते. काहींना आरक्षणामुळे अपेक्षेप्रमाणे संधी मिळाली, तर काहींच्या आशांवर विरजण पडले.
——————————————-
राजकीय दृष्टिकोनातून संवेदनशील गावांमध्ये विशेष लक्ष
तालुक्यातील काही राजकीय दृष्टिकोनातून महत्त्वाच्या मानल्या जाणाऱ्या गावांमध्ये आरक्षण कोणाला लागते, याकडे सर्वांचे लक्ष लागून होते. काहीजणांनी समाधानाचा सुस्कारा सोडला, तर काहींच्या चेहऱ्यावर निराशा झळकली.
———————————————–
आरक्षण सोडती शालेय विद्यार्थ्यांच्या हस्ते पारपडली ही सोडत साई गणेश पोकलवार आणि सजफा वाजीद पठाण (तिसरी वर्ग) या विद्यार्थ्यांच्या हस्ते काढण्यात आली. तहसीलदार भरत सूर्यवंशी यांनी आरक्षण जाहीर केले.यावेळी उपजिल्हाधिकारी व संनियंत्रण अधिकारी अनुप पाटील, नायब तहसीलदार गिरीष सरकुलवार, महसूल अधिकारी व इतर विविध विभागांचे अधिकारी तसेच सरपंच, उपसरपंच, ग्रामपंचायत सदस्य मोठ्या संख्येने उपस्थित होते.
——————————————

आरक्षण निहाय ग्रामपंचायतींची यादी (महत्वाच्या गटानुसार)

अनुसूचित जाती (पुरुष):
करडखेड, कोटेकल्लूर, तुपशेळगाव, बल्लूर, बोरगाव, मनसक्करगा, इत्यादी.

अनुसूचित जाती (महिला):
आचेगाव, चाकुर, देवापूर, भक्तापूर, मुजळगा, वझरगा, सांगवी करडखेड, इत्यादी.

अनुसूचित जमाती (पुरुष):
येरगी, वळग.

अनुसूचित जमाती (महिला):
करेमलकापूर, कावळगड्डा, कावळगाव.

मागासवर्ग (पुरुष):
कुतुबशहापूरवाडी, चैनपूर, टाकळी (ज), नंदूर, मरतोळी, इत्यादी.

मागासवर्ग (महिला):
आलूर, कोकलगाव, तडखेल, मंडगी, शेळगाव, इत्यादी.

सर्वसाधारण (पुरुष):
अंबुलगा, कुडली, केदारकुंठा, खानापूर, शिवणी, हावरगा, इत्यादी.

सर्वसाधारण (महिला):
अंतापूर, आमदापूर, गवंडगाव, दरेगाव, भुतनहिप्परगा, माळेगाव, येडूर, इत्यादी.

———————————————–
महिलांना ४७ ग्रामपंचायतींमध्ये संधी
या आरक्षण प्रक्रियेमुळे एकूण ४७ ग्रामपंचायतींमध्ये महिलांना सरपंचपदाची संधी मिळणार असून महिला नेतृत्वाला मोठे प्रोत्साहन मिळाले आहे.

———————————————–
आरक्षण प्रक्रियेने ग्रामीण भागातील नेतृत्व बदलाची दिशा निश्चित केली आहे. काहींसाठी ही प्रक्रिया संधीची दारे उघडणारी ठरली, तर काहींसाठी पुढील वेळेची वाट पाहण्याची गरज आहे. ग्रामपंचायतीतील आरक्षण हा लोकशाहीचा एक महत्त्वाचा टप्पा असून याचा सामाजिक समावेशाच्या दिशेने मोठा वाटा आहे.