सोनई महाविद्यालयाची जयभीम पदयात्रा संपन्न

आशाताई बच्छाव

अहिल्यानगर कारभारी गव्हाणे प्रतिनिधी –सोनई महाविद्यालयाची जयभीम पदयात्रा
मुळा एज्युकेशन सोसायटीचे कला वाणिज्य व विज्ञान महाविद्यालय सोनई, येथील विद्यार्थी विकास मंडळ आणि राष्ट्रीय सेवा योजना यांच्या वतीने महामानव भारतरत्न डॉ बाबासाहेब आंबेडकर यांची 134 वी जयंती निमित्त सोनई बसस्थानक ते डॉ बाबासाहेब आंबेडकर चौक सोनई येथे जयभीम पदयात्रा काढण्यात आली होती. डॉ बाबासाहेबांच्या कर्तृत्वाचा प्रसार व्हावा आणि जनमानसात त्यांच्या विचारांचा जागर व्हावा या हेतूने या पदयात्रेचे आयोजन करण्यात आले होते. या प्रसंगी सोनई गावाचे सरपंच श्री धनंजय वाघ, श्री दादा वैरागर, ॲड. सुनील गडाख, श्री प्रकाश शेटे, पत्रकार श्री विनायक दरंदले, श्री सचिन पवार महाविद्यालयाचे उपप्राचार्य डॉ ज्ञानदेव झिने, डॉ अशोक तूवर, रा. से. यो. कार्यक्रम अधिकारी डॉ बाळासाहेब खेडकर, डॉ शरद औटी, वी. वी. अधिकारी प्रा. राहुल निपुंगे, रा. छा. से. मेजर डॉ सुरेश जाधव, डॉ संदीप खेडकर, डॉ शिवाजी दरंदले, प्रा. कावेरी ढोकणे आणि प्राधापक व प्राध्यापकेतर कर्मचारी उपस्थित होते. पदयात्रेची सुरुवात सोनई बसस्थानकापासून झाली, आणि डॉ बाबासाहेब आंबेडकर चौक येथे महाविद्यालयाचे उपप्राचार्य डॉ ज्ञानदेव झिने अभिवादनपर भाषणाने सांगता झाली . महाविद्यालयातील राष्ट्रीय सेवा योजना स्वयंसेवक विद्यार्थी मोठ्या संख्येने सहभागी झाले होते
विद्यार्थी तसेच गावातील अनेक ग्रामस्थांनी या कार्यक्रमासाठी हजेरी लावली.