आशाताई बच्छाव
अहिल्यानगरमध्ये पार्किंगच्या वादातून एकाला मारहाण
अहिल्यानगर कारभारी गव्हाणे प्रतिनिधी- शहरातील बेलदार गल्लीत पार्किंगच्या वादातून सात ते आठ जणांच्या टोळक्याकडून एकाला जबर मारहाण करण्यात आली. तसेच वाहनांची तोडफोड करण्यात आली.
ही घटना गुरुवारी २० रोजी दुपारी घडली. ए. शेख असे जखमी व्यक्तीचे नाव आहे. त्यांना उपचारासाठी जिल्हा रुग्णालयात दाखल करण्यात आले.
त्यामुळे काही काळ बाजारपेठेत तणावाचे वातावरण पसरले होते. घटनेची माहिती मिळताच तोफखाना पोलीस घटनास्थळी दाखल झाले. पोलीस आरोपींचा शोध घेत आहेत. नगर शहरासह जिल्ह्यात मारहाणीच्या घटना घडत आहेत. संबंधित प्रशासनाने याकडे लक्ष देण्याची गरज नागरिकांमधून व्यक्त होत आहे.
