आशाताई बच्छाव
नांदगाव मतदार संघातून राजेंद्र पाटील राऊत राष्ट्रीय मराठा पार्टीकडून इच्छुक
(प्रविण क्षीरसागर प्रतिनिधी)
मालेगाव:- आगामी होणा-या विधानसभा निवडणुकीसाठी नांदगाव मतदार संघातून कौळाणे (नि) येथील रहिवासी राजेंद्र पाटील राऊत हे राष्ट्रीय मराठा पार्टीकडून उमेदवारी करण्यासाठी इच्छुक असून,या निवडणुकीत राष्ट्रीय मराठा पार्टीने तिसरी आघाडी स्थापन केलेली असून,सर्व जाती धर्म समावेशक या तिसऱ्या आघाडीत सहभागी झाल्याने या निवडणुकीत राष्ट्रीय मराठा पार्टीला भरघोस यश मिळेल असा मनोदय राजेंद्र पाटील राऊत यांनी व्यक्त करतानाच या मतदारसंघातील नागरिकांशी आपले अत्यंत जवळून जनसंपर्क असल्याने पक्षाकडून आपण उमेदवारी करण्यासाठी इच्छुक असल्याचे राजेंद्र पाटील राऊत यांनी निश्चित करताच या मतदारसंघातील नागरिकांत नवचैतन्याचे वातावरण निर्माण झाले आहे.कौळाणे (नि) येथील रहिवासी असलेले राजेंद्र पाटील राऊत हे राष्ट्रीय मराठा पार्टीचे उतर महाराष्ट्र अध्यक्ष म्हणून सन २०१८ पासून कार्यरत आहेत.तर युवा मराठा महासंघाचे संस्थापक अध्यक्ष तर आश्रयआशा फाऊंडेशन या संस्थेचे संस्थापक अध्यक्ष आहेत. त्याशिवाय युवा मराठा न्यूजपेपर्स अँन्ड वेब न्यूज चॅनलचे मुख्य संपादक म्हणून कार्यरत असल्याने त्यांना या मतदारसंघातील विविध समस्यांची अगदी जवळून माहिती असून,या मतदारसंघातील प्रत्येक वाडी वस्तीवर त्यांचा दांडगा जनसंपर्क असल्याने पक्षाकडून आपण ही निवडणूक लढविणार असल्याचे त्यांनी शेवटी सांगितले.
