आशाताई बच्छाव
तडीपार केलेल्या आरोपीस चाळीसगाव पोलिसांनी केली अटक
चाळीसगाव प्रतिनिधी विजय पाटील- जळगाव जिल्ह्यातून हद्दपार करण्यात आलेल्या जगदीश जगन्नाथ महाजन रा. नेताजी चौक यास चाळीसगाव शहर पोलीसांनी अटक केली. महाजन याचे विरूद्ध शरीराविरूद्धचे व अंमली पदार्थ अवैध मार्गाने विक्री प्रकरणी गुन्हे दाखल असल्याची माहिती पोलीस निरीक्षक संदीप पाटील यांनी दिली.
पोलीसांनी दिलेली माहिती अशी की, हद्पार व गुन्हेगारांची तपासणीचे आदेश पोलीस निरीक्षक संदीप पाटील यांनी दिले होते. चाळीसगाव शहर तसेच जिल्ह्यातून हद्दपार करण्यात आलेल्या जगदीश जगन्नाथ महाजन हा विना परवाना चाळीसगाव शहरात फिरत असल्याची माहिती निरीक्षक पाटील यांना मिळाली असता उपनिरीक्षक योगेश माळी, पोकाँ. पवन पाटील, रविंद्र बच्छे,गोपाल पाटील यांनी वसंत डेअरी जवळून महाजन यास ताब्यात घेतले.
यावेळी महाजन याने विनाकारण आरडाओरड करून पोलीसांना अरेरावी करून पोलीस पथकाबरोबर धक्काबुक्की करून दमदाटी केली. याप्रकरणी महाजन याचे विरूद्ध भारतीय न्याय संहिता 2023चे कलम 132,121(1),351(3)352 सह महाराष्ट्र पोलीस अधिनियम 142 प्रमाणे गुन्हा दाखल करण्यात आला.तपास उपनिरीक्षक कैलास पाटील, हवालदार विनोद भेाई हे करीत आहेत.
