आशाताई बच्छाव
नेवाशात सर्वदूर पाऊस
बळिराजा सुखावला; कपाशीला जीवदान
सोनई, (कारभारी गव्हाणे तालुका प्रतिनिधी)-नेवासे तालुक्यात मध्यरात्रीनंतर वादळी वाऱ्यासह जोरदार पाऊस झाला. कपाशी, सोयाबीन, तूर व इतर चारा पिकाला जीवदान मिळाल्याने शेतकरीवर्ग सुखावला आहे. तालुक्यातील काही गावात वृक्ष व विजेचे खांब पडल्याने रात्रीपासून विद्युत पुरवठा खंडित झालेला आहे.
नेवासे खुर्द मंडलात सर्वाधिक पाऊस झाला तर घोडेगावला सर्वात कमी पाऊस झाला आहे. रात्री बारानंतर एक तास हलका तर काही वेळ मुसळधार पाऊस झाला. सोनई- पानसवाडी रस्त्यावर मोठे वृक्ष पडल्याने काही तास वाहतूक बंद होती. सोनई परिसरातील गणेशवाडी, हनुमानवाडी, लोहगाव, शिंगणापूर तसेच मुळाषडी भागातील खेडलेपरमानंद,
पानेगाव, करजगाव, अंमळनेर शिवारात समाधानकारक पाऊस झाला.
जून महिन्यात दोन तीन पाऊस झाल्यानंतर शेतकऱ्यांनी लागवड व पेरण्या केल्या होत्या. पंधरा दिवसांपासून पाऊस हुलकावणी देत आल्याने अनेक
निभारी गोणेगाव रस्त्यावरील शेतात आज मंगळवारी दुपारी झालेल्या पावसाने शेतांना तळ्याचे स्वरूप आहे आहे.
भागातील कपाशी, सोयाबीन व तुरीचे पौक सुकून चालले होते. वातावरणात दमटपणा अधिक असल्याने पत्वसाची प्रतीक्षा होती. पाचेगाव, पुनतगाव, खूपटी भागात जोरदार पाऊस झाल्याने शेतकऱ्यांचे चेहरे खुलले आहेत.
कुकाण्यासह परिसरात सोमवारी रात्री साडेअकरा वाजता दमदार पावसाने हजेरी लावली. त्यामुळे शेतकऱ्यांत आनंदाचे वातावरण निर्माण झाले आहे. जवळपास एक तास सुरू असलेल्या या पावसाने माना टाकलेल्या पिकांना जीवदान मिळाले.
जूनच्या सुरवातीला जोरदार झालेल्या पावसाने कुकाणे पंचक्रोशीतील शेतकऱ्यांनी पेरण्या केल्यानंतर पावसाने दडी मारली. पावसाअभावी खरीप हंगाम वाया जातीय की काय, असे चित्र निर्माण झाले होते. त्यामुळे शेतकरी पावसाची बाट पाहत होते. प्रचंड उकाडा व कडक ऊन पाऊस नाही अशी परिस्थिती निर्माण झाल्याने हातची पिके जाण्याची भीत होती. काही पिकांनी पाण्याअभावी माना टाकल्या होत्या. सोमवार दिवसभर प्रचंड उपडल्यानंतर रात्री अचानक जोरदार पावसाने हजेरी लावली एक तास झालेल्या पावसाने या सर्व पिकांना जीवदान मिळाले. काही ठिकाणी शेतांमध्येही पाणी साचले होते. या पावसाने खरीप पिकांना जीवदान मिळाले आहे.
मंडल व मिलिमीटर पाऊस
नेवासे खुर्द :
सलाबतपूर 26
सोनई: ४२
वडाळा: २६
• कुकाणे: २८
नेवासे बुद्दक: २७
घोडेगाव: २१
